ވަޒީރު ކަމާއި ޙަވާލުވީ ޓައި އަޅައިގެން އިންނާން ނޫން ކަމަށާއި ޒުވާނުންނާއި ކުޅީވެރުގެ ދާއިރާއިން ބޮޑު ބަދަލެއް ގެންނާން ކަމަށް މިނިސްޓަރ އޮފް ޔޫތް، ސްޕޯޓްސް އެންޑް ކޮމިއުނިޓީ އެމްޕަވަރމަންޓް އަޙްމަދް މަހްލޫފު ވިދާޅުވެއްޖެއެވެ.
ހޮނިހިރު ދުވަހުގެ ރޭ ރައީސް އިބްރާހީމް މުޙައްމަދް ޞާލިޙްގެ ވަޒީރުންގެ މަޖިލިސް ޢައްޔަން ކުރެއްވުމާ އެކު ގިނަބަޔަކު ދަނީ ކެބިނެޓަށް ފާޑު ކިޔަމުންނެވެ. އެގޮތުން މިނިސްޓަރ މަހްލޫފަށްވެސް މިނިސްޓަރުކަން ޙައްޤުވާ ކަމަށް ބުނެ އެއްބަޔަކު ޓުވީޓުކޮށްފައިވާ އިރު މަގާމަށް އެއާއި ދެކޮޅަށް ވެސް ބައެއް މީހުންވަނީ ފަޑު ކިޔާފައެވެ.
މަހްލޫފް މިއަދު ކުރެއްވި ޓުވީޓުގައި ފާޑުކިއުންތަކަށް އިޝާރާތް ކުރައްވައި ވިދާޅުވެފައިވަނީ ރައްޔިތުންގެ ޚިޔާލާއި ފާދު ކިއުން އުފަލާއި އެކު ބަލައިގަންނަވާ ކަމަށެވެ. އަދި ރައީސުލްޖުމްހޫރިއްޔާގެ އިރުޝާދާއެކު އިރާދަކުރެއްވިއްޔާ ނަތީޖާ ނެރެދެއްވާނެ ކަމަށް ވެސް މަހްލޫފް ވަނީ ވިދާޅުވެފައެވެ.
Alhugandu havaaluvee vazeerukamuga tie alhaigen innaakahnoon.
Beynumakee zuvaanunnaai kulhivaruge dhaairaain bodu badhaleh genaun.
Raeesuljumhooriyya @ibusolih ge irushaadhaaieku iraadhakureviyyaa natheejaa neredheynan.
Rayyithunge khiyaalaai faadukiyun ufalaaeku balaigannaanan.— Ahmed Mahloof (@AhmedMahloof) November 18, 2018