ކުރީގެ ރައީސް އަލްއުސްތާޒް މައުމޫން ޢަބްދުލްޤައްޔޫމްގެ ފަރާތްޕުޅުން ކުރީގެ ފޮރިން މިނިސްޓަރ އަދި ރައީސް މައުމޫންގެ ދަރިކަނބަލުން ދުންޔާ މައުމޫން ސްރީލަންކާގެ ބޮޑޫ ވަޒީރު ރަނިލް ވިކްރަމަސިންހަ އާއި ބައްދަލުކުރައްވައިފިއެވެ. މި ބަައްދަލުވުމުގެ ތަފްސީލެއް އަދި ހާމަކުރައްވާފައި ނުވިނަމަވެސް ރައީސް-އިލެކްޓް އިބްރާހީމް މުޙައްމަދް ޞާލިޙް އާއި ނަައިބު ރައީސް-އިލެކްޓް ފައިސަލް ނަސީމްގެ ވެރިކަމުގައި ދިވެހިރާއްޖެ އަަށް ޞުލްޙަ މަސަލަސް ކަމާއި ހަމަޖެހުން އައިސް ޑިމޮކްރެޓިކް ނިޒާމު ހަރުދަނާ ވާނެ ކަމަށް އުއްމީދުކުރައްވާ ކަމަށް ރަނިލް ވިކްރަމަސިންހް ވިދާޅުވިކަމަށް ދޭހަވާ ގޮތަށް ދުންޔާ ވަނީ މިއަދު ޓުވީޓު ކުރައްވާފައެވެ.
Thank you Excellency @RW_UNP for the opportunity to pass on greetings from my father, @maumoonagayoom. Good to hear your wishes for peace, stability and stengthening of democratic processes under the leadership of @PresElectMv @ibusolih @FaisalNasym pic.twitter.com/zMvHwZ4CxS
— Dunya Maumoon (@dunyamaumoon) October 15, 2018
ހަފްތާ ބަންދުގައި ރައީސް މައުމޫންގެ ފަރާތްޕުޅުން ދުންޔާ ވަނީ ދިއްލީ އަށް ވަޑައިގެން ސަރުކާރާއި ސިޔާސީ ބައެއް ފަރާތްތަކާ ބައްދަލުކުރައްވާފައެވެ. އެ މަޝްވަރާތަކަށް ފަހު އިންޑިއާއިން ދިވެހިރާއްޖެއަށް ވަރަށް ގިނަ ކަންކަން ދަސްކުރެވިދާނެ ކަމަށް ދުންޔާ ވަނީ ވިދާޅުވެފައެވެ. އޭގެެތެރޭގައި މިނިވަން ފަނޑިޔާރުގެ އާއި މިނިވަން މީޑިއާ އާއި ޑިމޮކްރެސީ ގެ އުސޫލުތައް ހިމެނޭކަމަށްވެސް އެކަމަނާ ވަނީ ފާހަގަކުރައްވާފައެވެ.