ލެޖެންޑްރީ އެކްޓަރ ރާޖް ކަޕޫރް ގެ ހުވަފަތް އަންހެނުން، ކްރިޝްނާ ރާޖް ކަޕޫރް މަރުވެއްޖެއެވެ. އިންޑިއާގެ މީޑިއާ އިން ރިޕޯޓުކުރާ ގޮތުގައި ކްރިޝްނާ މަރުވީ މިއަދުގެ ވަރަށް ހެނދުނުގެ ވަގުތެއްގައެވެ. އޮންލައިން ނޫސްތަކުގައި ރިޕޯޓުކޮށްފައިވާ ގޮތުގައި އޭނާ މަރުވީ ފަތިހު 4 ޖަހާ އެހާކަންހާ އިރުއެވެ. މަރުވި އިރު އުމުރަކީ 87 އަހަރެވެ. އޭނާ މަރުވީ ހިތް ހުއްޓިގެން ކަމަށް މީޑިއާ އިން ރިޕޯޓު ކުރެއެވެ.
ކްރިޝްނާ މަރުވި ޚަބަރު އޭނާގެ މާމަ ދަރިފުޅު، ރިއްދިމާ ކަޕޫރް ވަނީ ސޯޝަލްމީޑިއާގައި ހިއްސާ ކޮށްފައެވެ. ކްރިޝްނާ އަކީ މަޝްހޫރް އެކްޓަރ ރިޝީ ކަޕޫރްގެ މަންމައެވެ. ކްރިޝްނާ އަކީ ރަންބީރް ކަޕޫރްގެ މާމައެވެ.