ޕީޕީއެމްގެ ކުރިމަގު ނިންމުމަށްޓަކައި ބާއްވާ ޚާއްސަ ކޮންގްރެސް މިއަދު ފަށައިފިއެވެ.
ޕީޕީއެމުން މިއަދު ފެށި ޚާއްސަ ކޮންގްރެސްގައި ރައީސް އަބްދުﷲ ޔާމީންވެސް ބައިވެރިވެވަޑައިގެންނެވިއެވެ. އެޕާޓީން ބުނީ މި ކޮންގްރެސްގައި ކުރިމަގު ބައްޓަން ކުރުމަށްޓަކައި އަސާސީ ގަވައިދަށް ބަދަލު ގެނެސް ހިންގާ ގަވައިދަށްވެސް ބަދަލު ގެންނާނެ ކަމަށެވެ.
މީގެއިތުރުން މި ޚާއްސަ ކޮންގްރެސްގައި ޕީޕީއެމްގެ އާ ރައީސް އާއި ނައިބު ރައީސުން ހޮވުމަށްވެސް ވަނީ ނިންމާފައެވެ. އަދި ޕާޓީގެ ކައުންސިލަށް މެމްބަރުން އައްޔަން ކުރުންވެސް މި ކޮންގްރެސްގައި ކުރިޔަށްދާނެ ކަމަށް ޕީޕީއެމުން ވަނީ ބުނެފައެވެ.
ޕީޕީއެމްގެ ކޮންގްރެސް މި ފެށީ ކޮންގްރެސް މިއަދު ބޭއްވިޔަނުދީ ފަސްކޮށް ދިނުމަށް ޕީޕީއެމްގެ ކުރީގެ ރައީސް މައުމޫންގެ ފަރާތްޕުޅުން އިލެކްޝަން ކޮމިޝަނުގައިވެސް އެދިފައި ވަނިކޮށެވެ. އިލެކްޝަން ކޮމިޝަނުން ނިންމީ ކޮންގްރެސް ފަސްކުރާނެ ގާނޫނީ ހުއްޖަތެއް ނެތް ކަމަށެވެ.