ހަބުރޫޓުގެ ފިހާރައެއް ސ. ހިތަދޫގައި މިރޭ ހުޅުވައިފިއެވެ. ތަފާތު ވައްތަރުގެ މަލާއި މާގަސް ވިއްކާ މިފިހާރަ ހުޅުވީ ހިތަދޫ ބޮޑު މަގުގައި ކުރިން މާޓްލައިން ހިންގި އިމާރާތުގައެވެ.
ހަބްރޫޓުން މައުލޫމާތު ދިން ގޮތުގައި އެފިހާރައިން މާގަސްތަކުގެ އިތުރަށް ގަސް ހެއްދުމަށް ބޭނުންވާ ގަސްކާނާއި އަދިވެސް އެއާ ގުޅޭ އެހެން ސާމާނު ލިބެން ހުންނާނެއެވެ.
"އޯޑަރު ދިނުމުން ވެސް ވެޑިން ބޮކޭއާއި ގިފްޓް ފަދަ އެއްޗެހި މިތަނުން ހަދައިދޭނެ. އަދި ގާޑަން ހައްދަން ބޭނުންވާ ހުރިހާ ސާމާނެއް ވެސް ލިބެން ހުންނާނެ،" އެތަނުން ބުންޏެވެ.
ހަބުރޫޓު ފިހާރައެއް އެންމެ ފުރަތަމަ ހުޅުވީ މަރަދޫގައެވެ. ހިތަދޫގައި މިރޭ ހުޅުވި ފިހާރައަކީ ޖާގައިގެ ގޮތުން ތަނަވަސް ފިހާރައެކެވެ. އެހެން ކަމުން ކުރިއަށް އޮތްތަނުގައި އެ ވިޔާފާރި އިތުރަށް ފުޅާ ކުރުމަށް މަސައްކަތް ކުރާނެ ކަމަށް އެތަނުން ބުންޏެވެ.