ކެރެލާގައި ފެންބޮޑުވެ ހާލުގައި ޖެހިފައިވާ މީހުންނަށް އެހީވުމަށް ހުޅުވާފައިވާ ޗީފް މިނިސްޓަރސް ރިލީފް ފަންޑަށް ކަންގަނާ ރަނޯތް 10 ލައްކަ ރުޕީސް ހަދިޔަކޮށްފިއެވެ. އަދި އޭނާވަނީ ކޮންމެބަޔަކުވެސް އެބަޔަކަށް އެހީތެރިވެދެވެން އޮތް ގޮތަކަށް ހާލުގައި ޖެހިފައިވާ މީހުންނަށް އެހީވެ ދިނުމަށް އޭނާވަނީ ގޮވާލާފައެވެ.
ކަންގަނާ ރަނޯތްގެ އިތުރުން ސުޝާންތް ރާޖްޕުތް، ވަރުން ދަވަން، އާލިއާ ބަޓް، އަނުޝްކާ ޝަރްމާ އާއި ވިރާތް ކޯލީ ވެސް ވަނީ ޗީފް މިނިސްޓަރސް ފަންޑަށް ފައިސާ ހަދިޔާކޮށްފައެވެ. ރަންދީޕް ހޫދާ ވަނީ ކެރެލާ އަށް ގޮސް ހާލުގައި ޖެހިފައިވާ މީހުންނަށް ކާބޯތަކެތި ފޯރުކޮށްދީފައެވެ.
ސައުތު އިންޑިއާގެ ފިލްމް އިންޑަސްޓްރީ އާއި ބިލް ގޭޓްސް ފައުންޑޭޝަނުންވެސް ވަނީ ކެރެލާ އަށް އެހީ ފޯރުކޮށްދީފައެވެ.