ހުވަދުއަތޮޅު އުތުރުބުރިއާއި ދެކުނުބުރީގެ ބައެއް ރަށްރަށަށް ކުރެއްވި ތިން ދުވަހުގެ ދަތުރުފުޅު ނިންމަވާ ލެއްވުމަށްފަހު ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްގައްޔޫމް މިއަދު މާލެ ވަޑައިގެންފިއެވެ.
މިދަތުރުފުޅުގައި ރައީސް ވަނީ ގދ. މަޑަވެއްޔާއ، ފަރެސްމާތޮޑާއި، ގައްދުއަށް ވަޑައިގެން އެރަށްރަށުގައި ސަރުކާރުން ފަށްޓަވައިފައިވާ ބައެއް މަޝްރޫއުތަކުގެ ނިންމުން ފާހަގަކޮށް އެތަންތަން ހުޅުވައި ދެއްވައިފައެވެ. އަދި ބައެއް ރަށްރަށުގައި މުޅިން އަލަށް ބައެއް މަޝްރޫއުތައް ރައީސް ވަނީ ފައްޓަވައިދެއްވައިފިއެވެ.
އޭގެއިތުރަށް ރައީސް ވަނީ ގއ. ކޮނޑޭއާއި، ކޮލަމާފުށްޓާއި، ވިލިގިއްޔަށް ވަޑައިގެން އެރަށްރަށުގައި ވެސް ސަރުކާރުން ފަށްޓަވައިފައިވާ ބައެއް މަޝްރޫއުތަކުގެ ނިންމުން ފާހަގަކޮށް ދެއްވައިފައެވެ. މީގެ އިތުރަށް ރައީސް ވަނީ ކޫއްޑޫ މަސްވެރިންގެ މެރީނާ މިއަދު ހުޅުއްވައިދެއްވައިފައެވެ.
މިމެރީނާގައި މަސްވެރިންނަށް ބޭނުންވާނެ ހުރިހާ އާލާތްތަކެއް ލިބޭނެ ފިހާރައަކާއި، 4 ގެސްޓްރޫމާއި، ކެފޭއަކާއި، މިސްކިތެއް ހިމެނެއެވެ.