މާލޭގައި މިހާރު ކުރިއަށްދާ މުޒާހަރާގައި އެމްޑީޕީގެ ޕާލަމެންޓްރީ ގުރޫޕުގެ ޑެޕިޔުޓީ ލީޑަރު އަލީ އާޒިމާއި، ތިނަދު އުތުރު ދާއިރާގެ ރައީސް މުހައްމަދު ނާސިހު ރަޝީދާއި، އެމްޑީޕީ ގަލޮޅު ދެކުނު ދާއިރާގެ ރައީސް ހަސަން އިސްމާއީލް ފުލުހުންގެ ބެލުމުގެ ދަށަށް ގެންގޮސްފި ކަމަށް އެމްޑީޕީން ބުނެފިއެވެ.
މިބޭފުޅުންގެ އިތުރަށްވެސް އެތައް ބަޔަކު މިރޭވަނީ ބަންދުކޮށްފައި ކަމަށް މައުލޫމާތު ލިބިފައެވެ. ބައެއް ފަރާތްތަކުން ބުނެފައިވަނީ މިރޭ ސަތޭކަފަންސާހަކަށް މީހުން ބަންދުކުރި ކަމަށެވެ. އެހެންނަމަވެސް މިރޭ ބަންދުކުރި މީހުންގެ އަދަދާ ބެހޭގޮތުން ފުލުހުން އެއްވެސް އެއްޗެއް އަދި ވިދާޅުވެފައެއް ނުވެއެވެ.
މިރޭގެ މުޒާހަރާއަކީ ފެބުރުއަރީ އެކެއްގެ ހުކުމް ތަންފީޒު ކުރުމަށާއި، ސަރުކާރު ގާނޫނީ އިމުގެތެރެއަށްވަނުމަށް ގޮވާލަން ބޭއްވި މުޒާހާރާއެކެވެ. މުޒާހަރާ ފެށުމުގެ ކުރިން އިދިކޮޅު އިއްތިހާދުން ވިދާޅުވެފައިވަނީ މިރޭ ނުކުންނަނީ ރައީސް ޔާމީން ހުއްޓުވަން ކަމަށެވެ. ހުއްޓުވަންޖެހެނީ ރައީސް ކުރައްވަމުބް ގެންދަވާ ގާނޫނާ ޚިލާފު ކަންކަން ކަމަށްވެސް އިދިކޮޅުންވަނީ ބުނެފައެވެ.
އިދިކޮޅު އިއްތިހާދުން ބުނެފައިވަނީ ރައީސް ޔާމީން ގެންދަވަނީ ކޮރަޕްޝަނާއި ފަސާދަ ހިމެނޭ އެތައް ކަމެއް ކުރައްވަމުން ކަމަށެވެ.
