ރައީސް ޔާމީން އިސްތިއުފާ ދެއްވާފައި ނަރަކައަށް ވަޑައިގެންނެވުމަށް ވިދާޅުވެ ތިމަރަފުށީ ދާއިރާގެ މަޖިލީސް މެންނަރު މުހައްމަދު މުސްތަފާ ކުރެއްވި ޓްވީޓް ގެ މައްސަލަ ބަލަންޖެހޭ ކަމަށް އިސްލާމިކް އެފެއާޒު މިނިސްޓަރު ވިދާޅުވެއްޖެއެވެ.
މިމަހު 15 ވަނަ ދުވަހުގެރޭ މުސްތަފާ ކުރެއްވި ޓްވީޓެއްގައި ވިދާޅުވެފައިވަނ ީ "ކުދިންނޭ! އިންޑިއާގެ އާމީ، ނޭވީ، އެއަރ ފޯސް، ކޯސްޓްގާޑް ސީދާ ހަރަކާތަކަށް ނިކުމެއްޖެ. މިއީ ރައީސް ޔާމީނަށް އިލްހާމް ނުވާ ގޮތައް ފެއްޓި ހަރަކާތެއް. ރައީސް ޔާމީން ގައުމު ދެކެ ލޯބިވަންޏާ މިހިނދުން މިހިނދަށް އިސްތިއުފާ ދެއްވާފައި، ނަރަކައަށް ވަޑައިގެންނެވުމަށް ގޮވާލަން" ކަމަށެވެ.
މި ޓްވީޓާ ގުޅިގެން މިނިސްޓާރ ޒިޔާދު ވިދާޅުވީ މުސްލިމަކު ނަރަކައަށް ވެއްދުމަކީ އެއްވެސް މުސްލިކަމަކަށްއޮތް ހައްގެއްނޫން ކަމަމަށެވެ.
ރަސޫލާގެ ހަޔާތްޕުޅުގައިވެސް "މީނަ ދާނީ ނަރަކައަށޭ ވިދާޅުވެފައެއްނުވޭ. އެކަމަކު އެވެނި އަމަލެއް މިވެނި އަމަލެއް ކުރާމީހަކު ދާނީ ނަރަކައަށޭ ވިދާޅުވެފައި ހުންނަވަނީ،" ޒިޔާދު ވިދާޅުވިއެވެ.
"އެހެންވީމާ އަޅުގަނޑު ކަމާބެހޭ ފަރާތްތަކަށް ގޮވާލަން މުސްތަފާގެ ޓްވީތާ އެކަމާބެހޭ ގޮތުން ތަހުގީގު ކުރުމަށް. ރާއްޖޭގައި ވަރަށްބޮޑު ފިތުނައެއް އުފައްދަމުން އެގެންދަނީ އިސްލާމީ އުސޫލުތަކާ ޚިލާފަށް މުޖުތަމައު ތެރޭގައި އިސްލާމް ދީނުގައި އިދިކޮޅު ވާހަކަތަކެއް ނުދެއްކޭނެ،" މިނިސްޓަރ ވިދާޅުވިއެވެ.
