މާލޭގެ ގެއެއްގެ 5 ވަނަ ފަންގިފިލާއިން ވެއްޓުނު ކުއްޖަކު ނިޔާވެއްޖެ އެވެ.
ފުލުހުން ބުނީ އެ ހާދިސާގައި ނިޔާވެފައިވަނީ އުމުރުން 4 އަހަރުގެ ކުއްޖެއް ކަމަށާއި އެ ކުއްޖާ ނިޔާވީ އޭޑީކޭ ހޮސްޕިޓަލުގައި ފަރުވާދެމުން ދަނިކޮށް ކަމަށެވެ.
އެ ހާދިސާގެ މައުލޫމާތު ފުލުހުންނަށް ލިބުނީ ރޭ 12:20 ގައި ކަމަށާއި އަދި ނިޔާވެފައިވަނީ ފިރިހެން ކުއްޖެއް ކަމަށް ވެސް ފުލުހުން ބުނެއެވެ.
ފުލުހުން ބުނީ މިމައްސަލަ ތަހުގީގުކުރަމުން އަންނަކަމަށެވެ.
