ޖަލަށް ޙުކުމް ކޮށްފައިވާ ސިޔާސީ ފަރާތްތައް މިނިވަން ކުރުމަށް ސުޕްރީމް ކޯޓުން ކުރި އަމުރާއެކު ސިޔާސީ ގޮތުން އުފެދިގެން އުޅޭ ނުތަވަސްކަމާއި ގުޅިގެން ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަޙްމަދު، ރައީސް އަބްދުﷲ ޔާމީނަށް އިންޒާރެއް ދެއްވައިފިއެވެ.
މަހްލޫފް ކުރެއްވި ޓްވީޓެއްގައި ވިދާޅުވެފައި މިކަން 'އަދި ނުނިމޭ' ކަމަށާއި 'ހިނިއައިސްފައި' ރައީސް ޔާމީން ނުހުންނެވުމަށެވެ. ދެން ނަގާ ރާޅު މާބޮޑުވާނެ ކަމަށްވެސް މަހްލޫފް ވަނީ ވިދާޅުވެފައެވެ. މަހްލޫފް ވިދާޅުވީ އިދިކޮޅު ފަރާތްތަކުން ރައީސް ޔާމީނާ ދެކޮޅަށް ކޮންމެ ކަމެއްވެސް ކުރަނީ ޤާނޫނު އަސާސީގެ ތެރެއިން ކަމަށެވެ. ނަމަވެސް އިދިކޮޅު ފަރާތްތަކުން ރައީސް ޔާމީނާ ދެކޮޅަށް ކުރާ ކޮންމެ ކަމެއް ހުރިހާ ފަހަރަކުވެސް ރައީސް ޔާމީން ހުއްޓުވީ ޤާނޫނާ ޚިލާފަށް ކަމަށެވެ.
'މަޖިލިސް ތަޅު އެޅުވުން، ސުޕްރީމް ކޯޓު ދޮރު ވައްޓާލުން އެއީ ބަޔެއް މިސާލު. ބައިވެރިން މިކަމުގެ ހިތި ރަހަ ދެކޭނެ' މަހްލޫފް ވިދާޅުވެފައި ވެއެވެ.
މަހްލޫފް މިހެން ވިދާޅުވެފައިވާއިރު ރައީސް ޔާމީން ރޭ ޕީޕީއެމުން ބޭއްވި ޖަލްސާގައި ދެއްކެވި ވާހަކަފުޅުގައިވެސް މިކަން އަދި ނިމުނީ ކަމެއް އެނގިވަޑައިނުގަންނަވާ ކަމަށް ވަނީ ވިދާޅުވެފައެވެ. އަދި ބޭރުގެ ސިފައިން ގެނައުމަށް އިދިކޮޅު ފަރާތްތަކުން ގޮވާލުމުން އެމަނިކުފާނަށް އުދަނގޫފުޅުވާ ކަމަށްވެސް ވިދާޅުވިއެވެ.
