ދޯންޏެއް ބަންޑުން ޖަހާލައިގެން މީހަކު ގެއްލިއްޖެ އެވެ.
ފުލުހުން ބުނީ ބަންޑުން ޖަހާލާފައިވަނީ ގދ.ފަރެސްމާތޮޑާއިން ފުރައިގެން 4 މީހުންނާއިއެކު ދަތުރުކުރި ދޯންޏެެއް ކަމަށެވެ.
މި ދޯނި ބަންޑުން ޖަހާލީ ގދ. ވާދޫ ކުޑަކަނޑާ ދިމާކުން 12 މޭލު ބޭރުން ކަމަށެވެ. އަދި މުދާ ހިފައިގެން ދަތުރުކުރި މި ދޯނި ބަނޑުން ޖަހާލިކަމުގެ މައުލޫމާތު ލިބުނީ މިއަދު މެންދުރު 13:25 ހާއިރު ކަމަށެވެ.
އެ ދޯނި ބަންޑުން ޖަހާލިއިރު، 4 މީހުން ތިބި ކަމަށާއި އެތަނުން އެކަަކު ގެއްލިފައިވާ ކަމަށް ވެސް ފުލުހުން ބުނެ އެވެ.
މީގެ އިތުރުން ބަންޑުން ޖަހާލި ދޯނީގައި ތިބި 3 މީހުން އެ ސަރަހައްދުގައި އޮތް "ވާދޫ ސީވީޑް" ނަމަކަށް ކިޔާ ދޯންޏަށް ނަގާފައިވާ ކަމަށް ވެސް ފުލުހުން ބުނެއެވެ.
ފުލުހުން ބުނީ ގެއްލިގެން ހޯދަނީ ބިދޭސީއެއް ކަމަށާއި ގެއްލުނު މީހާ ހޯދުމުގެ މަސައްކަތް އެމްއެންޑީއެފް އިން ކުރަމުން އަންނަކަމަށެވެ.
