ރަޝިޔާގެ އިދިކޮޅު ލީޑަރު އެލެކްސީ ނަވާލްނީ ހައްޔަރުކޮށްފައި ހުންނަ ޖަލުގައި އޭނާއަށް ޤުރްއާން މުޠާލައާ ކުރުމުގެފުރުސަތު ނުދޭތީ ޖަލު ބަލަހައްޓާ ފަރާތްތަކުގެ މައްޗަށް ދައުވާކުރާނެކަމުގެ އިންޒާރު އޭނާ ދީފިއެވެ. އޭނާ ބުނި ގޮތުގައި އޭނާ ޤުރްއާން ކިޔަވަނީ "ނަފުސު ތަރައްގީކުރުމަށެވެ."
"މައްސަލައަކީ އަހަރެންގެ ޚަތިމު އެމީހުން އަހަންނަަށް ނުދޭކަން." ޖަލުގެ މަސްއޫވެރިންނާ ދެކޮޅަށް ދައުވާކުރާނެކަމުގެ އިންޒާރުދެމުން އަންގާރަދުވަހު ނަވަލްނީ އޭނާގެ އިންސްޓަގްރާމްގައި ލިޔެފައި ވެއެވެ. ވެއެވެ. "އަހަރެން ޖަލުގައި ހައްޔަރުކޮށްގެން ތިބި މީހުންނާ ދެކޮޅަށް އެއެއްޗެއްްގެ ސަބަބުން އަހަރެން ފުރަަތަމަ ދައުވާ އުފުލާ އެެއްޗަކަށް ޤުރްއާން ވެދާނެކަމަށް ތަސައްވަރުވެސް ކުރާނީ ކާކު؟" ނަވާލްނީ އޭނާގެ ލިޔުމުގައި ސުވާލުކޮށްފައި ވެއެވެ.
ދެ އަހަރާ ބައިގެ ޖަލުހުކުމެއް ތަންފީޒުކުރަމުންދާ އުމުރުން 44 އަހަރުގެ ނަވާލްނީގެ އިންސްޓަގްރާމް ޕޯސްޓް އާއްމުކުރި ދުވަހަކީ މުސްލިމުން އެމަހެއްގެ ހުރިހާ ދުވަހެއްގައި ރޯދަހިފައި، ގިނަގިނައިން ޤުރްއަން ކިޔަވާ ރަމަޟާން މަސް ފެށުނު ދުވަހެވެ.
"އަހަރެން އެމީހުންނާ ދެކޮޅަށް ދައުވާކުރަން މިއުޅެނީ އަހަރެން ބަލަން ޑޮކްޓަރަކު ޖަލަށް އައުން އެމީހުން މަނާކުރީތީއެއް ނޫން، އަދި އަހަރެން ޖަލުގައި އުޅެން ޖެހޭ ހާލަތާ ގުޅިގެންނެއްވެސް ނޫން. އެެހެނެއްކަމަކު، މުސްލިމުންގެ މުޤައްދަސް ފޮތާ ގުޅިގެން." ނަވާލްނީ ބުނެފައި ވެއެވެ.
"އަހަރެން ޚަތިމު ގެންގުޅުން އެމީހުން މަނާކުރޭ. މިއީ އަހަރެންނަށް ވަރަށް އުނދަގޫވި ކަމެއް. އަަހަރެންގެ ބަންދުގެ މުއްދަތު ފެށުމާއެކު އަަަހަރެން ވަނީ އަަހަރެން ނަފުސަށް ގެންނަން ޖެހޭ ހެޔޮ ބަދަލުތަކުގެ ލިސްޓެއް އަހަރެން ތައްޔާރުކުރިން. އޭގެ ތެރޭގައި ޤުރްއާން ދިރާސާަކޮށް އެފޮތް ދެނެގަތުމާއި ރަސޫލާގެ ޙަދީޘު ދިރާސާކުރުން ހިމެނޭ." ނަވާލްނީ ލިޔެފައި ވެއެވެ.
ރަޝިޔާގެ އިދިކޮޅު ލީޑަރު ރަޝިޔާގެ ވަޠަނިއްޔަތު އިސްކޮށް، ކުރީގެ ރޫސިވިލާތް ރޫޅިގެން ދިޔައިރު މިނިވަންވި މެދުތެރޭ އޭޝިޔާގެ މުސްލިމް ގައުމުތަކުން ރަޝިޔާއަށް ހިޖުރަކޮށް އެގައުމުގައި ދިރިއުޅޭ މީހުން ދެރަކޮށްލާ ވާހަކަތަކެއް މީގެ ކުރިން ދައްްކާފައިވާތީ އޭނާއަށް ފާޑުކިއުން އަމާޒުވެފައިވެސް ވެއެވެ.
ނަވާލްނީގެ ލިޔުމުގައި އޭނާ ބުނެފައިވާ ގޮތުން އޭނާ ކުރިވެސް ޤުރްއާން ކިޔެވެ. އެހެންނަމަވެސް އެ ފޮތުން މުހިއްމު އުސޫލުތައް އޭނާއަށް ނަަގައިގަނެވިފައި ނުވެއެވެ.
"އަހަރެންނަށް ވިސްނުނު ގޮތުގައި ނަސާރާ ކުޑަކުއްޖެއްގެ ގޮތުގައި އަހަރެން ބޮޑުވުމަށް ވެސް ޤުރްއާން ބޭނުންވޭ." އޭނާ ބުނެފައި ވެއެވެ.
"މުޅި ދުނިޔެ ހުއްޓާނުލާ އިސްލާމްދީނާއި މުސްލިމުންގެ ވާހަކަ ދައްކާ. އެހެނަސް %99 މީހުުންނަށް އެކަމާ ބެހޭގޮތުން އެއްވެސް އެއްޗެއް ނޭނގޭ. އެެެހެން ކަމުން އަހަރެން ނިންމާފައި ވަނި ރަޝިޔާ މުސްލިމް ނޫން ސިޔާސީ މީހުންގެ ތެރެއިން 'ޤުރްއާނުގެ ބަޠަލަކީަށް' ވާން. ނަވާލްނީ ބުނެފައި ވެއެވެ.
"އަހަރެން ބޮޑާކަމާއެކު މީގެ ކުރިން ނިންމިން ޤުރްއާން އެކުގައި ހިތުދަސްކުރަން. އެހެނަަސް ފަހުން އަަހަރެންނަށް ވިސްނުން އެއީ އަހަރެންނަށް ވުން މުސްތަހީލު ކަމެކޭ. އެއީ އެއްވެސް މާނައެއް ނެތް ކަމަކަމަށް ވާތީ. އެހެނީ ރަނގަޅު ގޮތުގައި ޤުރްއާން ދިރާސާކުރެވޭނީ އަރަބި ބަސް އެނގިގެން. އަހަރެން މިތަނުގައި ހުރެ އެބަސް ދަސްކުރާނީ ކިހިނެއް؟ އެހެންކަމުން މިހާރު އޮތް ހަމައެކަނި ގޮތަކީ ތަފާތު މީހުން ތަފްސީރުކޮށްފައިވާ ޤުރްއާނުގެ ދެތިން ވޮލިއުމެއް ހޯދައިގެން ވިސްނުންތެރިކަމާއެކު އެފޮތްތައް ކިއުން." ނަވާލްނީގެ އިންސްޓަގްރާމުގައި ވެއެވެ.
އޭނާ މަރާލަން ރަޝިޔާގެ ސިއްރު ފުލުހުން ވިހަލީކަމަށް ބުނާ ހާދިސާއަށް ފަހު ފަރުވާއަށް ނަވާލްނީ ޖަރުމަނަށް ގޮސްފައި 17 ޖަަނަަަވަރީގައި އޭނާ ރަޝިޔާއަށް އެނބުރި ދިއުމުން ހައްޔަރުކޮށް ވަނީ ޖަލަށް ގެންގޮސްފައެވެ. އިދިކޮޅު ހަރަކާތްތަކަށް ފުރުސަތު ހަނި ރަޝިޔާގައި އެލްކްސީ ނަވާލްނީއަކީ އެންމެ މަގުބޫލު އިދިކޮޅު ލީޑަރެެވެ.
