މައްކާގެ މާތްވެގެންވާ ޙަރަމްފުޅު، އަލްމަސްޖިދުލް ޙަރާމް ތެރޭގައި ތޫނު ހަތިޔާރެއް ހިފައިގެން ގޮވެލިތަކެއް ގޮވަމުން ދިޔަ މީހަކު ހައްޔަރުކޮށްފިއެވެ.
މައްކާ ސަރަހައްދުގެ ފުލުހުންގެ ތަރުޖަމާނު ވިދާޅުވި ގޮތުގައި އިއްޔެގެ އަސްރު ނަމާދަށް ފަހު ޙަރަމްފުޅުގެ ފުރަތަމަ ފަންގިފިލާގައި ޓެރަރިސްޓް ޖަމާއަތަކަށް ތާއީދުކުުރާ ގޮވެލިތަކެއް ގޮަަވައިގެން "ހުދުހަތިޔާރެއް" (ހުދު ހަތިޔާރަކީ ވަޅި، ޚަންޖަރު، ކަނޑިފަދަ ތޫނު ހަތިޔާރު) ހިފައިގެން އުޅުނު މީހަކު، މިސްކިތުގައި ތިބި އާއްމުންގެ އެހީއާއެކު ޙަރަމްފުޅުގެ ސަލާމަތީ ބާރުތަކުން ވަނީ ހައްޔަރުކޮށްފައެވެ.
މީސް މީޑިޔާގައި އާއްމުވެފައިވާ ވީޑިޔޯއިން ފެންނަ ގޮތުގައި ހުދު ޖުއްބާއެއް ލައިގެން ހުރި އެމީހާ ގޮވަމުން ދިޔައީ އިސްލާމިޓް ސްޓޭޓް (އައިސިސް) އަށް ތާއީދުކުރާ ގޮވުންތަކެވެ. "އަޅަމެންގެ ވެރިރަސްކަލާނކޮ! ޝާމްކަރައާއި، އިރާގާއި، ޔަމަނުގައި އިސްލާމިކް ސްޓޭޓަށް ނަޞްރު ދެއްވާނދޭވެ!" މިފަދަ އިބާރާތަކުން އޭނާ ދުއާކުރާ އަޑުވެސް އިވެއެވެ.
އިއްުޔެ މިހާދިސާއަށް ފަހު ވާހަކަފުޅު ދައްކަވަމުން ދެ ހަރަމްފުޅުގެ ކަންކަން ބަލަހައްޓާ އިދާރާގެ ވެރިޔާ އަދި އަލްމަސްޖިދުލް ޙަރާމްގެ އިސް އިމާމޫ ޑރ. ޢަބްދުއްރަޙްމާން އައްސުދައިސް ވިދާޅުވީ މާތްވެގެންވާ ދެ ޙަރަމްފުޅަކީ ރަތް ރޮނގެއް ކަމަށާއި، އެ ރަތް ރޮނގު ހުރަސްކޮށް ދެ ޙަރަމްފުޅުގެ އަމާންކަމާ ކުޅުމުގެ ބާރު ސައޫދީ ސަލަތީ ބާރުތަކުން އެއްވެސް ފަރާތަކަށް ނުދޭނެ ކަމުގައެވެ.
