ވ.އަތޮޅު ފޮއްތެޔޮބޮޑުފުށި ކިޔާ ފަޅު ރަށުގައި ޒަޚަމްތަކަކާއެކު މަރުވެފައި އޮތް މީހަކު ފެނިއްޖެއެވެ.
ފުލުހުން ވިދާޅުވީ މިމީހާ މަރުވެފައި އޮތްކަމުގެ މަޢުލޫމާތު ފުލުހުންނަށް ލިބުނީ މިއަދު މެންދުރު 11:02 ހާއިރުކަމަށެވެ. މިކަން އެނގުނީ އެ ފަޅުރަށަށް ދަނޑިކަނޑަށް ގޮސް އުޅުނު ބަޔަކު ރިޕޯޓުކުރުމުންކަމަށާ، މަރުވެފައިވާ މީހާއަކީ ބިދޭސީއެއްކަމަށް ބެލެވޭކަމަށްވެސް ފުލުހުން ވިދާޅުވިއެވެ. މިމީހާގެ ހަށިގަނޑު މާލެ ގެނައުމުގެ މަސައްކަތް ފުލުހުން ދަނީ ކުރަމުންނެވެ.
