ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ ތެޔޮ އުފުލާ ބޯޓެއް މިއަދު ފަރަކަށް އަރައިފިއެވެ.
އެސްޓީއޯގެ ތެޔޮ ބޯޓެއް ފަރަށް އެރިކަން ކަށަވަރު ކޮށްދެމުން އެމްއެންޑީއެފުން ބުނީ ބޯޓު ފަރަށް އެރީ ޅ. ފެލިވަރު ކައިރީގައި އޮތް ފަރަކަށް ކަމަށެވެ. އެސްޓީއޯގެ "ގުރާބު" ބޯޓު ފަރަށް އެރީ ށ. މިލަންދޫން ފުރައިގެން މާލެއަށް މިސްރާބު ޖަހައިގެން ދުއްވަމުން ދަނިކޮށެވެ.
އެމްއެންޑީއެފުން ބުނީ ބޯޓުގައި ގިނައިން ހުރީ ޕެޓްރޯލް ކަމަށާއި ފަރަށް އެރި ބޯޓުގައި ޖުމްލަ ބާރަ މީހަކު ތިބި ކަމަށެވެ. އެމްއެންޑީއެފްގެ ކޯސްޓްގާޑު މިހާރު ބޯޓު އޮތް ސަރަހައްދުގައި ދަނީ ހަރަކާތްތެރި ވަމުންނެވެ. ނަމަވެސް ބޯޓު ފުންވި ކަމެއް އަދި ކަށަވަރެއް ނުވެއެވެ.
