މަގުމަތިން ހިނގާފައިދިޔަ ބިދޭސީއެއްގެ އަތުން ފޭރުނުކަމަށް ތުހުމަތުކުރެވޭ ދެ މީހަކު ހައްޔަރުކޮށް، މައްސަލަ ތަޙުޤީޤު ކުރަން ފަށައިފިއެވެ.
މިމައްސަލައާ ގުޅިގެން ފުލުހުންގެ ބެލުމުގެ ދަށަށް ގެެނެސްފައިވަނީ 37 އަހަރުގެ ފިރިހެނަކާއި 47 އަހަރުގެ ފިރިހެނެކެވެ.
މި ދެމީހުންވެސް ފުލުހުންގެ ބެލުމުގެ ދަށަށް ގެނެސްފައިވަނީ އޮފްރޯޑް ކައިރިން ބިދޭސީއެއްގެ އަތުން ފޯނަކާއި ވޮލެޓެއް ފޭރިގެންފައިވާކަމަށް، އެވަގުތު މާލެތެރެ ޕެޓްރޯލްކުރުމުގައި ޙަރަކާތްތެރިވި ފުލުހުންނަށް މަޢުލޫމާތު ލިބުމާ ގުޅިގެން އެމީހުން ހޯދުމަށް ކުރި މަސައްކަތުން އޮފްރޯޑް ކައިރިންނެވެ.
މިމައްސަލަ ޖެނެރަލް އިންވެސްޓިގޭޝަން ޑިޕާޓްމަންޓުން ދަނީ ތަޙުޤީޤު ކުރަމުންނެވެ.
