ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމާއި އެމަނިކުފާނުގެ އަނބިކަނބަލުން ފާޠިމަތު އިބްރާހީމް، ރާއްޖޭގެ އިސް ރަށްވެހިންނާ މާދަމާރޭ ބައްދަލު ކުރައްވާ ގޮތަށް ހަމަޖައްސަވައިފިއެވެ.
ރަސްފަންނު ބީޗުގައި އޮންނަ މި ބައްދަލު ކުރެއްވުން އޮންނާނެ ކަމަށް ރައީސް އޮފީހުން ބުނެފައި ވަނީ މާދަމާ ރޭ 8:30 އެވެ. ރައީސް އޮފީހުން ބުނީ މިބައްދަލު ކުރެއްވުމަށް ރާއްޖޭގެ ހުރިހާ އިސް ރަށްވެހިންނަށް ރައީސްގެ ދެކަނބަލުން ދައުވަތު ދެއްވާ ކަމަށެވެ.
ކުރިން ހަމަޖެހިފައި އޮތީ އިސްރައްވެހިންނާ ރައީސްގެ ދެކަނބަލުން ރޭ ރަސްފަންނުގައި ބައްދަލު ކުރައްވާ ގޮތަށެވެ. ނަމަވެސް ރޭ މޫސުން ގޯސް ވުމުގެ ސަބަބުން ބައްދަލުވުން ކެންސަލް ކުރެއްވީއެވެ. މިރޭ އޮންނަ ބައްދަލު ވުމަކީ ރޭ ކެންސަލް ކުރެއްވި ބައްދަލުވުން ކަމަށްވެސް ރައީސް އޮފީހުން ވަނީ ބުނެފައެވެ.
