ޕެރަޑައިސް އައިލެންޑް ރިސޯޓުގައި މިއަދު އަލިފާނުގެ ހާދިސާއެއް ހިނގައިފިއެވެ.
އެނގިފައިވާ ގޮތުގައި އަލިފާން ރޯވީ އެ ރިސޯޓުގެ ވޯޓަރ ވިލާގެ ބަޔެއްގައެވެ. މިއަދު ހެނދުނު 9 ޖަހާކަންހާއިރު ވޯޓަރ ވިލާގެ ބަޔެއްގައި ރޯވި ނަމަވެސް އަލިފާން ގަނޑު މިހާރު ވަނީ ނިއްވާލާފައެވެ.
އެމްއެންޑީއެފުން ބުނީ ޕެރަޑައިސް އައިލެންޑް ރިސޯޓުގެ ވޯޓަރ ވިލާގެ ބަޔެއްގައި ރޯވެގެން ރިޕޯޓު ކުރުމާއެކު މިހާރުވެސް އެމްއެންޑީއެފްގެ ޓީމެއް އެތަނުގައި ހަރަކާތްތެރި ވަމުން އަންނަ ކަމަށާއި ނަމަވެސް އަލިފާން ނިއްވާލެވިއްޖެ ކަމަށެވެ. މިހާދިސާގައި އެއްވެސް މީހަކަށް ގެއްލުން ވެފައިނުވާ ކަމަށްވެސް އެމްއެންޑީއެފުން ވަނީ ބުނެފައެވެ.
ޕެރަޑައިސް އައިލެންޑް ރިސޯޓުގެ ވޯޓަރ ވިލާގައި އަލިފާން ރޯވާން ދިމާވި ސަބަބު އަދި ވަނީ ސާފުވާގޮތް ނުވެފައެވެ.
