ބޭނުންވާނެ ބާވަތްތައް:
3 ކުކުޅު ބިސް
2 މޭޒުމަތީ ސަމުސާ ބްރައުން ޝުގަރ
2 ޖޯޑު އެގްނޮގް (ވިޕިންކްރީމާއި ހަކުރު އަޅައިގެން ގިރާފައި ހުރި ބިސް)
½ ސައިސަމުސާ ފޮނިތޮށި
½ ސައިސަމުސާ ތަކޫވައް
1 ސައިސަމުސާ ވެނީލާ އެސެންސް
ލޮނުކޮޅެއް
8 ފޮތި ޕާން
ބަޓަރުކޮޅެއް
ތައްޔާރުކުރާނެ ގޮތް:
އުނދުން މައްޗަށް ފުން ތަވައެއް އުދައި ހޫނުމިން މެދު މިނުގައި ބަހައްޓާށެވެ.
ޕާން ނޫން ހުރިހާ ބާވަތެއް ފުން ތަށްޓަކަށް އެޅުމަށްފަހު ރަނގަޅަށް އެއްކުރާށެވެ.
ދެން ތަވަޔަށް މޭޒުމަތީ ސަމުސަލެއްގެ ބަޓަރު އަޅައި، ބަޓަރު ރަނގަޅަށް ވިރުވާށެވެ.
ދެން ބިހުގެ ތެރެއަށް ޕާންފޮތިތައް ގަންބާލުމަށްފަހު ފޯކުރާށެވެ. ރަނގަޅަށް ފޯވުމުން ތަވަޔަށް އަޅައި 4 މިނެޓު ނޫނީ ފަސް މިނިޓެ ވަރު ފިހޭށެވެ. ހުރިހާ ޕަން ފޮއްޗެއް ފިހެވުމުން މައްޗަށް ހަކުރުކޮޅެއް ފުރާނާލާށެވެ.
