މާލެއިން މިއަދު އިތުރު ހަތް މީހަކު ކޮވިޑް-19 އަށް ޕޮޒިޓިވް ވެއްޖެއެވެ. މިއަދު ބޭއްވި ނިއުސް ކޮންފަރެންސް ނިމެނިކޮށް ލިބުނު އެމައުލޫމާތު ހިއްސާ ކުރައްވަމުން ރައީސް އޮފީހުގެ އަންޑަރ ސެކްރެޓަރީ މުޙައްމަދު މަބްރޫކް ޢަބްދުލް ޢަޒީޒު ވިދާޅުވީ އަލަށް ޕޮޒިޓިވް ވެފައިވަނީ ތިން ދިއްސަކަށާއި 4 ބިދޭސީއަކަށް ކަމަށެވެ.
ބިދޭސީން ނިސްބަތްވަނީ ކޮން ގައުމަކަށް ކަމެއް އޭނާ ވިދާޅެއް ނުވެއެވެ. މި ހަތް މީހުން ޕޮޒިޓިވްވުމުން މިއަދު އެކަނި މާލެއިން ޕޮޒިޓިވްވި މީހުންގެ ޢަދަދު 16 އަށް އެރީ އެވެ. މި ހަތް މީހުން ޕޮޒިޓިވްވި ކަން އެނގުމުގެ ކުރިން 8 މީހަކު ވަނީ ޕޮޒިޓިވް ވެފައެވެ. އެއީ 6 ދިވެހީންނާއި 2 ބިދޭސީއެކެވެ.
މިހާތަނަށް މާލެއިން ވަނީ 47 މީހަކު މި ބައްޔަށް ޕޮޒިޓިވް ވެ ރާއްޖެއިން ޕޮޒިޓިވްވި މީހުންގެ ޢަދަދު 67 އަށް އަރައިފައެވެ.
