ތިލަދުންމަތީ އުތުރުބުރީ އުތީމުގައި އައު އިންޖީނުގެއެއް އެޅުމުގެ މަސައްކަތް ކުންފުންޏަކާ މިއަދު ހަވާލުކޮށްފިއެވެ.
އެމަސައްކަތް ފެނަކައިން ހަވާލުކޮށްފައިވަނީ ނަސާ ލިންކް ޕްރައިވެޓުލިމިޓެޑާއެވެ. އެކުންފުންޏާ އެ މަސައްކަތް ހަވާލު ކުރުމުގެ އެއްބަސްވުމުގައި ސޮއިކޮށްފައިވަނީ ފެނަކަ އޮފީހުގައި މިއަދު ބޭއްވި ރަސްމިއްޔާތެއްގައެވެ.
މިއެއްބަސް ވުމުގައި ފެނަކައިން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ އަހުމަދު ސައީދު މުހައްމަދެވެ. ނަސާ ގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ އަލި އަބްދުއްރަހުމާނެވެ.
މިރަސްމިއްޔާތުގައި ބާރަށު ދާއިރާގެ މެންބަރ އަހުމަދު އަބްދުﷲ ބައިވެރިވެ ވަޑައިގެންނެވިއެވެ.
ނަސާ ކުންފުންޏާ މިމަސައްކަތް ހަވާލުކޮށްފައިވަނީ ހަވާލުކޮށްފައިވަނީ 7,030,106.48 ރުފިޔާއަށެވެ. މިމަސައްކަތް އެކުންފުންޏާ ހަވާލު ކޮށްފައިވަނީ މިއަހަރުގެ ނޮވެމްބަރު ފަހަކަށް ނިންމާ ގޮތަށެވެ.
