ޓީޖެޓީ އަލިފާނުގެ ޙާދިސާގައި އެންމެ ބޮޑަށް ފިހުނު މީހާގެ ޕްލާސްޓިކް ސާރޖަރީއެއް މިއަދު ހަދާނެކަމަށް އާއިލާއިން ބުނެފިއެވެ. އޭނާ އިތުރުފަރުވާއަށް އިނޑިއާއަށް ގެންގޮސް ފަރުވާ ދެމުން ގެންދަނީ ޓްރިވެންޑްރަމްގެ ކިމްސް ހޮސްޕިޓަލުގައެވެ.
ފިހުނު މީހާގެ އާއިލާއިން ވާހަކަދެއްވި ނައުފަލު ބުނީ އޭނާގެ ކޮއްކޮގެ ހާލު މިހާރު ވަރަށް ރަނގަޅު ކަމުގައެވެ. ނަމަވެސް އަތުގެ އިނގިލިތައް ވަރަށް ބޮޑަށް ފިހިފައި ވުމުން މިއަދު ހަދާ ސާރޖަރީއަކީ އައިބުތައް ފިލުވާލމަށް އެތަންތަނަށް މަސް ލައްވާލުމަށް ހަދާސާޖަރީއެއްކަމުގައެވެ. ލޭގެ ޖަރާސީމު މިންވަރުވެސް ވަރަށް ބޮޑަށް ދަށް ކުރެވިފައިވާކަމަށް އޭނާ ބުންޏެވެ. މިހާރު ކޮށްކޮއަށް ކައިބޮއެހެދޭކަން ވެސް އޭނާ ފާހަގަ ކުރެއްވިއެވެ. ނަމަވެސް އަދިވެސް ފަރުވާ ދެމުންދަނީ އައިސީޔޫގައެވެ. އައިސީޔޫގައި ބާއްވައިފައިވަނީ ސާރޖަރީ ހަދަންޖެހޭތީކަމަށް ނައުފަލު ބުންޏެވެ.
ޓީޖެޓީގެ އަލިފާނުގެ ހާދިސާގައި އެންމެބޮޑަށް ފިހިފައިވަނީ މަޝްހޫރު ސްވިމިން ކޯޗް ނައުފަލުގެ އެއްބަޑު އެއްބަފާ ކޮއްކޮ މުޙައްމަދު އުނައިސް (25) އެވެ. އެޙާދިސާގައި އޭނާގެ ހަށިގަނޑުގެ 65 ޕަސަންޓަ ވަނީ ފިހިފައެވެ. އޭނާއަކީ އަލިފާނުގެ ޙާދިސާގައި އަނދައިގެން ދިޔަ ލޯންޗްގެ ކެޕްޓަނެވެ.
ނައުފަލު ބުނީކޮއްކޮގެ ސާރޖަރީ ކާމިޔާބުވުމަށާއި ކޮށްކޮއަށް، އަވަސް ޝިފާ ލިބުން އެދި އެންމެހާ ހެޔޮއެދޭ ފަރާތްތަކުގެ، ހެޔޮ ދުޢާއަށް އެދޭކަމުގައެވެ.
