މުޖްތަމައުގެ ތެރޭގައި ބިރުވެރިކަން އުފެދޭގޮތަށް މީހުންގެ ފުރާނައަށް ގެއްލުން ދިނުމަށާއި އަނިޔާވެރި އަމަލުތައް ހިންގުމަށް ގޮވާލާ ސޯޝަލް މީޑިއާގައި ޕޯސްޓްކުރަމުން ދިޔަ މީހަކު ފުލުހުން މިރޭ ހައްޔަރު ކޮށްފި އެވެ. މިއީ ޓެރެރިޒަމް ޤާނޫނަށް ގެނައި އިޞްލާޙުގެ ދަށުން ފުރަތަމަ ހައްޔަރުކުރި މީހާއެވެ.
ޓެރެރިޒަމް ޤާނޫނުގައި ބުނެފައިވާ ގޮތުގައި މުޖްތަމައުގެ ތެރޭގައި ބިރުވެރިކަން އުފެދޭގޮތަށް މީހުންގެ ފުރާނައަށް ގެއްލުން ދިނުމަށާއި އަނިޔާވެރި އަމަލުތައް ހިންގުމަށް ގޮވާލާ ޚިޔާލު ފާޅުކުރުމަކީ ވެސް ކުށެކެވެ. ފުލުހުން މިރޭ ހައްޔަރު ކޮށްފައި ވަނީ ޢުމުރުން 27 އަހަރުގެ ފިރިހެނެކެވެ.
ފުލުހުން ހާމަކޮށްފައިވާ ގޮތުގައި ހައްޔަރު ކުރެވުނު މީހަކީ މުޖްތަމައުގެ ތެރޭގައި ބިރުވެރިކަން އުފެދޭގޮތަށް މީހުންގެ ފުރާނައަށް ގެއްލުން ދިނުމަށާއި އަނިޔާވެރި އަމަލުތައް ހިންގުމަށް ގޮވާލާ ސޯޝަލް މީޑިއާގައި ޕޯސްޓްކުރަމުން ދިޔަ މީހެކެވެ. ޓެރަރިސްޓް ޖަމާއަތްތަކުގެ ނިޝާންތަކާއި ލިޔުންތައް ވެސް އޭނާ ޕޯސްޓް ކުރަމުން ދިޔަކަމަށް ފުލުހުން ވަނީ ހާމަކޮށްފައެވެ. މިފަދަ ޢަމަލަކީވެސް ޓެރެރިޒަމްގެ ޤާނޫނުގައި ބުނާ ގޮތުން ކުށެކެވެ.
