އިންސާފްވެރި އަވަސް ޝަރީޢަތެއް ހިންގުމަށް ޖުޑިޝަރީ ނުކުޅެދޭނަމަ ރައްޔިތުންނަށް އިންސާފް ހޯދައި ދިނުމަށް ދައުލަތުން އެހެންއިންތިޒާމުތަކެއް ހަމަޖައްސައިދޭންޖެހޭ ކަމަށް، ގެއްލުވާލައިފައިވާ މީހުންނާއި ގޮތްނޭނގޭ މަރުތަކުގެ މައްސަލަ ތަޙްޤީޤްކުރުމަށް އުފައްދައިފައިވާ ކޮމިޝަންގެ ރައީސް، މަޝްހޫރު ޤާނޫނީ ވަކީލް ޙުސްނު ސުޢޫދު ވިދާޅުވެއްޖެއެވެ.
އެނާ މިހެން ވިދާޅުވެފައި ވަނީ ބްލޮގަރ ޔާމީން ރަޝީދު މަރާލި މައްސަލާގެ ދަޢުވާގައި ދައުލަތުން ހުށަހެޅި ބައެއް ހެކިންނަށް ހަމަލާދިން މައްސަލަތަކެއް ފެންމަތިވެ،ހެކިބަސް ދޭން ދެކޮޅު ހަދާތީ، އެ މީހުންގެ ހެކިބަސް ނުނަގަން ދައުލަތުން ނިންމައިފައި ވަނިކޮށެވެ. ކްރައިމް ސީން އޮފިސަރުންގެ ރިޕޯޓްތަކުގެ ތެރެއިން ހަތަރު ރިޕޯޓެއް ވެސް ހެކީގެ ލިސްޓުން އުނިކުރަން ދައުލަތުން ވަނީ ނިންމައިފައެވެ. ސަބަބެއްކަމަށް ދައުލަތުން ބުނީ ރިޕޯޓް ހެދި ފުލުސް މީހާ ރާއްޖެއިން ބޭރުގައި ހުރުމެވެ.
ތޫނު އެއްޗަކުން ހަމަލާދީ އަނިޔާވެރި ގޮތަކަށް ޔާމީން ރަޝިދު މަރައިލައިފައި 2017 ވަނަ އަހަރުގެ އެޕްރީލްމަހު، އޭނާ ދިރިއުޅުނު ގޭގެ ސިޑިގޮޅި ތެރޭގައެވެ. ޔާމިންގެ މަރުގެ މައްސަލައިގައި ދައުލަތުން ދައުވާ ކުރަނީ ހަ މީހެއްގެ މައްޗަށެވެ.
