ރާއްޖޭގައި އިސްލާމް ދީނަށް ފުރައްސާރަކުރުމާ ދެކޮޅަށް ޤާނޫނެއްގެ ބިލްއެކުލަވާލައްވެއްވުމަށް އިސްލާމިކް މިނިސްޓްރީން ނިންމަވައިފިއެވެ
މިފަދަ ބިލެއް އެކުލަވާލައްވާ މަޖިލީހަށް ފޮނުއްވުމަށް އެމިނިސްޓަރީން ނިންމެވީ އިސްލާމް ދީނަށް ފުރައްސާރަކުރުން ރާއްޖޭގައި އިތުރުވާތީ އެފަދަ މައްސަލަތަކުގައި އެކުގައި މަސައްކަތް ކުރެއްވުމަށް ދީނީ އިލްމުވެރިންތަކެއް އިސްލާމިކް މިނިސްޓްރާ އެކުގައި ބޭއްވި ބައްދަލުވުމަށް ފަހު އެވެ.
އިސްލާމް ދީނަށް ފުރައްސާރަ ކުރުމާ ދެކޮޅަށް ގާނޫނެއްގެ ބިލް އެކުލަވާލެއްވުމަށް ނިންމައިފައި ވަނީ މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓެއްގައި، ކީރިތި ރަސޫލާ އަށާއި އިސްލާމް ދީނަށް ފުރައްސާރަވާ ގޮތަށް ލިޔެފައި ވާތީ ގިނަ ބަޔަކު އެކަމާ ކަންބޮޑުވުން ފާޅުކުރަމުން ދަނިކޮށެވެ.
މިގެ 25 އަހަރު ކުރިން ފާސްކޮށް ޢަމަލު ކުރަމުން އަންނަ ދީނީ އެއްބައިވަންތަކަން ޙިމާޔަތްކުރުމުގެ ޤާނޫނަށް ވެސް އިޞްލާޙު ގެންނަން ސަރުކާރުން މަސައްކަތް ފަށްޓަވައިފައިވާ ކަމަށް ދާދި ފަހުން ހޯމްމިނިސްޓަރ ޢިމްރާން ޢަބަދުﷲ ވެސް ވަނީ ވިދާޅުވެފައެވެ.
