ޕީޕީއެމްގެ ވެރިކަމާއެކު ރާއްޖެއަށް އަންނަމުން މިދަނީ ފިނިފެންމަލުގެ އިންޤިލާބެއްކަމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޤައްޔޫމު ވިދާޅުވެއްޖެއެވެ.
"އަސްލު ރ.ދުވާފަރު ބޮޑު ޖަލްސާ"ގެ ނަމުގައި ރ.ދުވާފަރުގައި ރޭ ބޭއްވި ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ ޕީޕީއެމް އުފެދި މިވީ ދުވަސްތަކުގެ ތެރޭގައި އެޕާޓީންވަނީ ރާއްޖޭގެ ސިޔާސީ މަސްރަޙުގެ ވައްޓަފާޅި މުޅިން ބަދަލުކޮށްފައިކަމަށެވެ. އެޕާޓީއަކީ މުޅި ދިވެހިރައްޔިތުންނާ ގުޅި ލާމެހިފައިވާ ޕާޓީއެއްކަމަށް ރައީސް ވިދާޅުވިއެވެ.
އިދިކޮޅު އެމްޑީޕީއަށް އިޝާރާތްކުރައްވައި ރައީސް ރޭ ވިދާޅުވީ،ދިއްގާ މަލަކީ އެހާ ހިތްގައިމު މަލެއްނޫންކަމަށާ، ކުޑަކުދިން އެއްގޮތަކަށްވެސް ގަޔާވާ މަލެއް ނޫންކަމަށެވެ. އަދި ހުވަނީގެ އުނދަގުލާހެދި ދިއްގާ ގަހަކީ ދުވަސްވީ މީހުންވެސް އެއްގޮތަކަށްވެސް ގަޔާވާ ގަހެއް ނޫންކަމަށެވެ.
އެހެންނަމަވެސް އަސުރުމަލާއި ފިނިފެންމަލުން ހުރިހާ އުމުރެއްގެ މީހުންނަށްވެސް ހިތްހަމަޖެހުމާއި އުފާވެރިކަން ގެނެސްދޭކަމަށް ރައީސް ވިދާޅުވިއެވެ. އެމަނިކުފާނު ވިދާޅުވީ ޕީޕީއެމްގެ ވެރިކަމާއެކު މުޅި ރާއްޖެއަށް މިއަންނަނީ ފިނިފެންމަލުގެ އިންޤިލާބެއްކަމަށެވެ.
ރާއްޖޭގެ ތަރައްޤީގެ މަޝްރޫޢުތަކަށް އަލިއަޅުވާލައްވަމުން ރައީސް ރޭ ވިދާޅުވީ ތަރައްޤީގެ މަސައްކަތުގައި މުސްކުޅި ސާރިދޯޅެއްގެ ދުވެލި ބަލައިގަނެވެން ނެތްކަމަށާ، ތަރައްޤީގެ މަސައްކަތްތަކުގައި ބޭނުންވަނީ ހަލުވި ފުއްލާއެއްގެ ދުވެލި ކަމަށެ
