ނޭޝަނަލް އިންޓެގްރިޓީ ކޮމިޝަން (އެންއައިސީ) ގެ ހުސްވެފައިވާ ގޮނޑިއަށް މެމްބަރަކު އައްޔަން ކުރުމަށް 4 ބޭފުޅެއްގެ ނަންފުޅު ރައްޔިތުންގެ މަޖިލީހަށް ރައީސުލްޖުމްހޫރިއްޔާ ފޮނުއްވައިފިއެވެ.
ރައީސުލް ޖުމްހޫރިއްޔާ ފޮނުއްވި ނަންފުޅުތަކުގެ ތެރޭގައި ވަނީ، ޝުޢައިބު ޢަބްދުއްރަޙްމާން، ދަފްތަރު ނަންބަރު 1188 އާއި ކާނަލް ރިޓަޔަޑް އަޙްމަދު ޖިހާދު، ވ. ދިވެތި އާއި ޑރ. މަރްޔަމް ޝަހްނީޒާ ނަޞީރު، ތިލަދޫ، ހއ. ދިއްދޫ އާއި ޙައްވާ ލީޝާ، ގ. ތުނޑިވެލި ހިމެނިވަޑައިގަންނަވައެވެ.
މިނަންފުޅުތައް ދިރާސާ ކުރަން މިނިވަން މުއައްސަސާތަކުގެ ކޮމިޓީ އަށް މިއަދުގެ ޖަލްސާގައި ވަނީ ފޮނުވައިފައެވެ.
