ލ. މާމެންދޫގައި ގެއެއްގެ ފުރާޅު މައްޗަށް ފާރެއް ވެއްޓި ލބުނު ގެއްލުންތައް މަރާމާތުކުރުމަށް ފުލުހުން އެހީތެރިވެއްޖެއެވެ.
ފާރު ވެއްޓުނީ ސިމެންތި ޓިނު ފުރާޅެއްގެ މައްޗަށެވެ. ފުރާޅުގެ ޓިނުތައް ފަޅައިގެން ދިއުމުގެ ސަބަބުން ސީލިންގާއެކު ބައެއް ގޭތެރެއަށް ވެއްޓި 2 އަހަރުގެ ކުޑަ ކުއްޖަކަށާއި 38 އަހަރުގެ ފިރިހެނަކަށް އަނިޔާ ވެފައިވާ ކަމަށް ފުލުހުން ހާމަކުރައްވައެވެ. އަނިޔާ ލިބުނު ކުޑަކުއްޖާ އާއި މީހާގެ ހާލު ރަނގަޅު ކަމަށް ފުލުހުން މައުލޫމާތު ދެއެވެ.
މި ހާދިސާގައި ގެއަށް ލިބުނު ގެއްލުންތައް މަރާމާރު ކުރުމަށް ފުލުހުން ވަނީ އެހީތެރިވެފައެވެ. އެގޮތުން ގޭތެރެ ސާފުކުރުމާއި ފުރާޅުގައި ޓިނު ޖެހުމަށް ފުލުހުން ވަނީ އެހީތެރިވެފައެވެ.
