މާލެއިން ހުޅުމާލެއަށް ދިޔަ ވޭނެއް ރޯޑް ޑިވައިޑަރގައި ޖެހި އޭތީ ފުނޑުފުޑުވެއްޖެއެވެ. ފުލުހުން ވިދާޅުވީ އެ ފުނޑުވެގެން ބުރައިގެން ދިޔަ ވަގުތު އޭގެ ޕްލާސްޓިކު ކޮޅުތަކުން ޖެހި ޓެކްސީއަކަށް ގެއްލުންވެފައިވާ ކަމަށެވެ.
މި އެކްސިޑެންޓް ހިނގާފައިވަނީ މިއަދު ހެނދުނު 10:11 އެހައިކަންހާއިރު ކަމަށް ވެސް ފުލުހުން ވިދާޅުވިއެވެ.
"މާލެއިން ހުޅުމާލެއަށްދިޔަ ވޭނެއް ކޮންޓްރޯލް ނުވެ ގޮސް ރޯޑުޑިވައިޑަރގައިވަނީ ޖެހިފައި. އަދި ޑިވައިޑަރ ހަލާކުވެގެން ބުރައިގެންދިޔަ ޕްލާސްޓިކް ކޮޅުތަކުންޖެހި ހުޅުމާލެއިން މާލެ ދިޔަ ޓެކްސީއެއްގައި ޖެހި ގެއްލުންވެފައިވޭ،" ފުލުހުން ވިދާޅުވިއެވެ. މި އެކްސިޑެންޓުގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
ބާރު ސްޕީޑުގައި ދުއްވުމުގެ ސަބަބުން މީގެ ކުރިން ވެސް ދެތިފަހަރަކުވަނީ ރޯޑު ޑިވައިޑަރ މިގޮތަށް ހަލާކުވެފައެވެ.
