މާލޭގައި މަސައްކަތް ކުރާ ބަނގްލަދޭޝް ރައްޔިތަކު ރަހީނު ކުރުމަށްފަހު އޭނާގެ ރައްޓެއްސަކަށް ގުޅައިގެން ސާޅީސް ހާސް ރުފިޔާ ހޯދަން ބަޔަކު މަސައްކަތް ކޮށްފިއެވެ.
މާލެތެރެ ބަލަހައްޓަން ރޭ އުޅުއްވި ފުލުހުންނަށް އެކަމުގެ މަޢުލޫމާތު ލިބިފައިވަނީ ރޭ ދަންވަރ2:36ު އެހައިކަންހާއިރު ކަމަށް ފުލުހުން ވިދާޅުވިއެވެ. ޢުމުރުން 29 އަހަރުގެ އެމީހާ ރަހީނުކުރި މައްސަލާގައި ބަނގްލަދޭޝް މީހަކު ވަނީ ބަންދުކޮށްފައެވެ. ޢުމުރުން 42 އަހަރުގެ އެމީހާ ބަންދުކޮށްފައިވަނީ ޑިމާންޑުކުރި ފައިސާ ބަލާ ކެންގަރޫ ކިޑްސްކައިރިއަށް އައުމުން ކަމަށް ފުލުހުން ވިދާޅުވިއެވެ. އެމީހާ ބަންދު ކުރުމަށްފަހު ރަހީނު ކޮށްފައިވާ މީހާ ދެއްކުމަށް ފުލުހުން އެންގުމުން އެމީހާވަނީ ރަހީނުކޮށްފައިވާ މީހާ ދައްކައިފައެވެ. އެމީހާ ފެނިފައިވަނީ ނިކަގަސްމަގުގެ ގޯޅިއެއްގެ ތެރެއިން ކަމަށް ފުލުހުން ވިދާޅުވިއެވެ.
މި ޢަމަލު ހިންގުމުގައި 7 ދިވެހީން ވެސް ބައިވެރިވެފައިވެއެވެ. އެމީހުންވަނީ ރަހީނުކޮށްފައިވާ މީހާގެ ގައިގައި ތަޅައި އޭނާއަށް އަނިޔާކޮށްފައި ކަމަށްވެސް ފުލުހުން ވިދާޅުވިއެވެ. އޭގެ އިތުރަށް އޭނާގެ އަތުގައި އޮތް ދެ މޮބައިލް ފޯނާއި ކަރުގައިއޮތް ފަށާއި ތަޅުދަނޑި ފައްޗެއް އޭނާ އަތުން ފޭރިގެންފައިވާ ކަމަށް ވެސް ފުލުހުން ވިދާޅުވިއެވެ. އެ ސަރަޙައްދަށް ފުލުހުން ދިޔުމުން އެމީހުން ވަނީ ފިލައިފައެވެ.
ފުލުހުން ގެންދަނީ މި މައްސަލަ ވަރަށް ސީރިއަސްކޮށް ބަލަމުންނެވެ.
