މާލެއަތޮޅު ތިލަފުށީގައި ޕަބްލިކް ޓްރާންސްޕޯޓްގެ ޚިދުމަތް ދިނުމަށް ހުޅުވާލުމުން ލިބުނު ތަރުޙީދު ކުޑަކަމުން އަނެއްކާވެއް އެފުރުސަތު ހުޅުވާލައިފިއެވެ.
އަނެއްކާވެސް މި ޚިދުމަތް ދިނުމަށް އެކްސްޕްރެޝަން އޮފް އިންޓްރެސްޓް (އީއޯއައި) ހުށަހެޅުމުގެ ފުރުސަތު އަލުން ހުޅުވާލާފައިވާއިރު، ތިލަފުށި ކޯޕަރޭޝަން އިން ނެރުނުން ޢިއުލާންކޮށްފައިވާގޮތުގައި ތިލަފުށި-1 އާއި ތިލަފުށި-2 ގައި ޕަބްލިކް ޓްރާންސްޕޯޓުގެ ޚިދުމަތް ދިނުމަށް ޝައުޤުވެރިކަން ފާޅުކުރުމަށް ހުޅުވާލި ފުރުޞަތުގައި އެކަށީގެންވާ ތަރުޙީބު ލިބިފައިނުވާތީ އިޢުލާން ބާޠިލުކޮށް، އަލުން މިފުރުޞަތު ހުޅުވާލާކަމަށެވެ.
އެ ޢިއުލާނުގައި ވާގޮތުން ޝައުގުވެރިވާ ފަރާތްތަކަށް މާދަމާއިން ފެށިގެން އަންނަ ބުރާސްފަތި ދުވަހާއި ހަމަޔަށް މައުލޫމާތު ކަރުދާސް ދޫކުރަން ހަމަޖެހިފައިވާއިރު، އީއައިއޭ ހުށަހެޅުން އޮންނާނީ މިމަހު 17 ވަނަދު ވަހު އެވެ.
