12 މެންބަރުންނަށް މަޖިލީހުގައި ވާދަކުރެއްވުމަށް ޓިކެޓް އެރުވުމަށް ވެ ވަޑައިގެންނެވި ވަޢުދު ދަމަހައްޓަވާނެ ކަމަށް އިއްތިހާދުގެ އެއް ލީޑަރ ކުރީގެ ރައީސް އަލްއުސްތާޒް މައުމޫން ޢަބްދުލްޤައްޔޫމް ވިދާޅުވެއްޖެއެވެ. ރައީސް މައުމޫން މިއަދު ކުރެއްވި ޓުވީޓެއްގަިއ ވިދާޅުވީ "ޕްރައިމަރީ އަކާ ނުލައި 12 މެންބަރުންނަށް 2019ވަނަ އަހަރުގެ މަޖިލިސް އިންޠިޚާބަށް ކުރިމަތި ލެއްވުމުގެ ފުރުޞަތު އެރުވުމަށް ކުރިން ވަޢުދުވި ގޮތުގެ މަތީގައި އިރާދަކުރެއްވިއްޔާ އަޅުގަނޑު ދެމިހުންނާނެ" ކަމަށެވެ.
އަދި އެ 12 މެންބަރުންނަށް ޓިކެޓް އެރުވުމަށޤ ނިންމަވާފައިވަނީ ކުރީ ސަރުކާރުގެ އަނިޔާވެރިކަން ހުއްޓުވުމަކަށް ގެނަައުމަށާއި، އިޞްލާޙަށް މަސައްކަތް ކުރާނެ ކޯލިޝަން ސަރުކާރެއް ޤާއިމު ކުރެއްވުމަށްޓަކައި ކުރެއްވި ބުރަ މަސައްކަތާއި ވެވަޑައިގެންނެވި ޤުރްބާނީގެ އަގު ވަޒަންކުރެއްވުމުގެ ގޮތުން ކަމަށް ވެސް ރައީސް މައުމޫން ވިދާޅުވިއެވެ.
Kuree sarukaaruge aniyaaverikan huttuvumakah genaumashaa, islaahah masakkaiy kuraane coalition sarukaareh qaaim kurumah takaa 12 membarun kurevvi bura masakkathaa vevadaigennevi qurbaanee thakuge agu vazankoh, 1/2
— Maumoon Abdul Gayoom (@maumoonagayoom) December 27, 2018
Primary aka nulai e 12 membarun 2019 ge majilis inthikhaabah kumathi levvumuge furusath eruvumah kurin vau’dhuvi gothuge matheegai iraadha kurevviyyaa alhugan’du dhemihunnaane vaahaka dhannavan. Maaiy Allah ebeyfulhunnah nasru dhevvaashi. Aameen. 2/2
— Maumoon Abdul Gayoom (@maumoonagayoom) December 27, 2018
12 މެންބަރުންނަށް ޕްރައިމަރީ އަކާ ނުލައި ޓިކެޓް ކަށަވަރު ކޮށްދެއްވާނެ ކަމަށް ކުރީން ބައެއް ލީޑަރުން ވިދާޅުވެފައިވީ ނަމަވެސް ކުރިއަށް އޮތް އިންޠިޚާބުގައި އެމްޑީޕީ އިން ވަނީ 86 ދާއިރާއަށް ވާދަކުރެއެވެ. އަދި ޖޭޕީ އިން ވެސް ހުރިހާ ދާއިރާ އަކަށް ކުރިމަތިލާނެ ކަމަުގެ އަޑު ފެތުރުނު ނަަމަވެސް ކުރިމަތިލާ ދާާއިރާތައް ހާމަކޮށްފައެއް ނުވެއެވެ. ރައީސް މައުމޫން އިއްތިހާދު ތަމްސީލު ކުރަނީ އެމްއާރްއެމްގެ ނަމުގައެވެ. އެމްއާރްއެމް އިން ވެސް މިހަރުވަނީ މަޖިލީހުގަިއ ވާދަކުރަން ކުރަން ޝައުޤުވެރިވާ ފަރާތްތަކާ އިންޓަރވިއު ކުރަން ފަށާފައެވެ. އަދާލަތުން ބުނެފައިވަނީ ކޯލިޝަން ދަމަހައްޓަން ވެފައިވާ އެއްބަސްވުންތައް ދަމަހައްޓާނެ ކަމަށެވެ.
ކޯލިޝަން ސަރުކާރުގެ ފަރާތުން ރިޔާސީ އިންޠިޚާބުގައި ވާދަކޮށް އިންޠިޚާބު ކާމިޔާޞު ކުރެއްވީ އެމްޑީޕީގެ ކެންޑިޑޭޓެވެ. ކޯލިޝަންގެ އެއް ލީޑަރު އެމްޑީޕީގެ ރައީސް އަދި ކުރީގެ ރައީސް މުޙައްމަދު ނަޝީދު ގެންދަވަނީ ސަރުކާރުގެ ވަޢުދުތައް ފުއްދޭނީ އެމްޑީޕީއަށް މަޖިލީހުގެ އަޣުލަބިއްޔަތު ލިބިގެން ކަމަށް ވިދާޅުވަމުންނެވެ. މަޖިލީހުގެ ދާއިރާތަކާ މެދު ހަތަރު ލީޑަރުންވަނީ މަޝްވަރާ ވެސް ކުރައްވާފައެވެ. ނަމަވެސް އެއްބަސްވުމަކާ ހަމައަށް ދެވޭގޮތެއް ނުވެއެވެ.
