ރާއްޖޭގެ ވެރިކަމުގެ ގޮނޑި ގެއްލިވަޑައިގެންފައިވާ ކުރީގެ ރައީސް މުޙަންމަދު ނަޝީދު އިނގިރޭސި ވިލާތުގައި ފުރޮޅުލީ ގޮނޑި ދުއްވުމުގެ ރޭހެއްގައި ބައިވެރިވެވަޑައިގެންފިއެވެ.
ވޭސްގެ ހޭފެސްޓިވަލްގައި އޮތް ފުރޮޅުލީ ގޮނޑި ދުއްވުމުގެ މުބާރާތެއްގައި ނަޝީދު ބައިވެރިވެވަޑައިގަންނަވާ މަންޒަރު ފެންނަ ވިޑިއޯ އާއި، ފޮޓޯވެސް މިހާރު ސޯޝަލް މީޑިއާގައި ދަނީ ދައުރުވަމުންނެވެ. އަދި އިނގިރޭސިވިލާތުގެ ޑެއިލީ މެއިލްގައި މިވާހަކަ "ޖޯކެއް" ގެ ގޮތުގައި ޝާޢިއުކުރައްވާފައިވެސް ވެއެވެ.
މި ރޭހުގައި ޖެހެނީ ފުރޮޅުލީ އޮފީސް ގޮނޑިއެއްގައި މީހަކު އިށީނދިއިނދެ އެހެންމީހަކު ލައްވައި އެގޮނޑި ބާރަށް ދުއްވާށެވެ. މިހެން ގޮސް ކަނޑައެޅިފައިވާ ވަކި ހިސާބަކަށް އެންމެ އަވަހަށް ދެވޭމީހާ މޮޅުވާނެއެވެ. މި ރޭހުގައި ނަޝީދު އިންނަވާ ގޮނޑިކޮޅު ދުއްވަން ފަހަރުގައި ހުންނަ މަންޒަފު ފެންނަނީ ދޮން އަންހެނެކެވެ.
މިޚަބަރު ޖޯކެއްގެ ގޮތުގައި އިނގިރޭސި ބައެއް ނޫސްތަކުގައި ޝާއިއުކުރިއިރު، ނަޝީދު ތަޢާރަފާއި، އެމަނިކުފާނުގެ ސިޠާސީ މަސައްކަތުގެވާހަކައަށް ބަލާލާފައިވެއެވެ. އެހެންނަމަވެސް އެމަނިކުފާނަކީ ޓެރަރިޒަމްގެ ކުށުގައި 13 އަހަރުގެ ޖަލުޙުކުމެއް ތަންފީޒުކުރައްވަމުންދާ ބޭފުޅެއްކަން ފާހަގަކޮށްފައި ނުވެއެވެ.
ހޭ ފެސްޓިވަލްތަކަކީ މުނިފޫހިފުލުވުމާއި، ޒުވާނުންނާއި ގުޅޭ ސަކަރާތުގެ މިފަދަ ތަފާތު ކަންކަން އޮންނަ ފެސްޓިވަލެކެވެ. މިރާއްޖޭގައި ފަހަކަށް އައިސް މި ފެސްޓިވަލް ބާއްވައެވެ.
