2019ވަނަ އަހަރު އޮންނަ ރައްޔިތުންގެ މަޖިލީހުގެ އިންތިޚާބުގައި ކޯލިޝަން އިން ވާދަ ކުރުމާ ބެހޭ ގޮތުން މަޝްވަރާ ކުރެއްވުމަށް އިއްތިހާދުގެ ލީޑަރުން ބައްދަލު ކުރައްވަމުން އެބަގެންދަވައެވެ. މި ބައްދަލުވުން ކުރިއަށޤ ދަނީ އެމްޑީޕީ އޮފީހުގައެވެ. މި ބައްދަލު ކުރެެއްވުމުގައި އިއްތިހާދުގެ ހަތަރު ލީޑަރުން ބައއިވެރިވެ ވަޑައިގަންނަވައެވެ. އެއީ އެމްޑީޕީގެ ރައީސް މުޙައްމަދް ނަޝީދާއި، އެމްއާރްއެމްގެ ރައީސް އަލްއުސްތާޒް މައުމޫން ޢަބްދުލްޤައްޔޫމް އާއި ޖުމްހޫރީ ޕާޓިޣެ ލީޑަރު ގާސިމް އިބްރާހީމް އާއި އަދާލަތު ޕާޓީގެ ރައީސް ޝައިޚް ޢިމްރާން ޢަބްދުﷲ އެވެ.
މަޖިލިސް އިންތިޚާބު އޮންނާނީ 2019ވަނަ އަހަރުގެ މާރިޗު މަހުއެވެ. ސެޕްޓެންބަރު މަހު ބޭއްވި ރިޔާސީ އިންތިޚާބު ކާމިޔާބު ކުރީ ވެސް އިއްތިހާާދު ގުޅިގެންނެވެ. އެއަށްފަހު މަޖިލީހުގެ އިންތިޚަބުގައި ވެސް ވާދަކުރަނީ ކޯލިޝަން ގުޅިގެން ކަމށް ކޯލިޝަން އިން މީގެ ކުރީން ހާމަކޮށްފައިވެއެވެ. ނަމަވެސް ޕާޓި ތަކުން ވާދަ ކުރާނެ ދާއިރާތައް ކަނޑައަޅާފައެއް ނުވެއެވެ. މަޖިލީހުގެ އިންތިޚާބުގައި ކޯލިޝން އިން ވާދަ ކުރަން ނިންމުމާ ގުޅިގެން ޓުވިޓަރ ގައި އާއްމުން ވަނީ ނުރުހުން ފާާޅު ކޮށްފައެވެ. އެމީހުން ދެކޭ ގޮތުގައި މަޖިލީހުގެ ގޮނޑިއަށް ވާދަ ކުރުމަށް ބޭނުންވާ ހުރިހާ އެންމެންނަށް އެފުރުސަތު އޮންނަންވާނެއެވެ. އަދި ރައްޔިތުންގެ ނަމުގައ ިހަތަރު ލީޑަރުންނަށް ކަންކަން ނުނިންމޭނެ ކަމަށް ވެސް އެމީހުން ވަނީ ބުނެފައެވެ.
އެމްޑީޕީ އަށް ތާއީދު ކުރާ މީހުން ގަބޫލު ކުރާ ގޮތުގައި އެ ޕާޓ އިން ހުރިހާ ދާއިރާ އަކަށް ވާދަ ކުރަންވާނެއެވެ. އަދި މިހާރު މަޖިލީހުގައި ތިބި ކަރަޕްޓް މީހުންގެ ބަދަލުގައި ނަޒާހަތްތެރި ތައުލީމީ މީހުންނަށް ފުރުސަތު ދިނުމަށް ވެސް އެމީހުން ވަނީ ގޮވާލާފައެވެ.
މިހާރު އޮތް މަޖިލީހުގައި ތިބި ޕީޕީއެމް އަށް ނިސްބަތްވާ ގިނަ މެންބަރުންތަކެއް ވަނީ ޖުމްހޫރީ ޕާޓީ އަށް ސޮއި ކޮށްފައެވެ. މިއީ ވެސް މަޖިލީހުގައި ވާދަ ކުރުމަށް މަގު ފަހި ކުރުމަށް ކުރާ ކަމެއް ކަމަށް ބުނެ އެ މެންބަރުންނަށް ސޯޝަލްމީޑިއާގައި ގިނަ ބަޔަކު ދަނީ ފާަޑު ކިޔަމުންނެވެ.
