ހައިކޯޓުގެ ފަނޑިޔާރު ޝުޖާއު އުސްމާނު އަވަހާރަށް ކޮށްލަން ވިލިގިލީދާއިރާގެ މެމްބަރު ސައުދު ހުސައިންނާއި އެޑިޔުކޭޝަން މިނިސްޓްރީގެ ކުރީގެ ޑެޕިޔުޓީ މިނިސްޓަރު އިބްރާހީމް ހަނީފް ރޭވި ކަމުގެ ތުހުމަތުގައި އެމީހުންނާ ދެކޮޅަށް ދައުލަތުން ކުރައްވައިފައިވާ ދަޢުވާ ކްރިމިނަލް ކޯޓުން މިއަދު ބާތިލް ކުރައްވައިފިއެވެ.
އެދެބޭފުޅުންގެ މައްޗަށް ދައުލަތުން ކުރެއްވި ދަޢުވާއަކީ ޓެރަރިޒަމްގެ ދަޢުވާއެވެ. އެހެންނަމަވެސް ކްރިމިނަލް ކޯޓުން މިއަދު ނިންމެވީ އެއީ މަދަނީ މިންގަނޑުން ކުރިއަށް ގެންދެވޭނެ ދަޢުވާއެއް ނޫންކަމަށެވެ.
ސަޢުދު ވިދާޅުވެފައިވަނީ އޭނާގެ މައްޗަށް ކޮށްފައިވަނީ ޓެރަރިޒަމްގެ ވެސް ސިޔާސީ ދަޢުވާއެއް ކަމަށެވެ. އެއީ އުފައްދައިފައިވާ އަސްލެއްނެތް ޓެރަރިޒަމްގެ ދަޢުވާއެއް ކަމަށް ވެސް އޭނާ ވިދާޅުވެފައިވެއެވެ.
ސައުދު ހުސައިނަކީ މަޖިލިސްގައި އޭނާ ތަމްސީލް ކުރައްވާ ގޮނިޑި ގެއްލުނު ކަމަށް އީސީން ކަނޑައެޅުއްވި މެމްބަރުންގެ ތެރޭގައިގައި ހިމެނުނު ބޭފުޅެކެވެ. ސްޕްރީމް ކޯޓަށް އެމައްސަލަ ހުށަހަޅައިގެން އެކޯޓުންވަނީ ގޮނޑި ނުގެއްލޭ ކަމަށް ނިންމަވައިފައެވެ.
