އަވައްޓެރި އިންޑިޔާ އާއި ރާއްޖެއާމެދު ރައީސް އަބްދުﷲ ޔާމީންގެ ވެރިކަމުގެ ފަސް އަހަރު އުފެދިފައިވާ ނުތަނަވަސްކަން މިހާރު ނެތިގޮސް ދެގައުމުގެ މެދުގައި މިހާރު ހާސްކަމެއް ނެތް ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
އޮންލައިން ނޫހެއް ކަމަށްވާ "އަވަސް" އަށް ދެއްވި އިންޓަވިއުއެއްގައި މިނިސްޓަރު ޝާހިދު ވިދާޅުވީ އިންޑިޔާ އާއި ރާއްޖެއާ ދެމެދު އުފެދިފައި އޮތް ނުތަނަވަސްކަން ފިލައި ދެގައުމުގެ ގުޅުން ރަނގަޅުކަން ދައްކައިދޭ އެންމެ ބޮޑު ހެއްކަކީ ރައީސް އިބްރާހިމް މުޙަންމަދު ސޯލިޙް ރައީސް ކަމުގެ ހުވާ ކުރެއްވުމުގެ ދަރުބާރަށް އިންޑިޔާގެ ބޮޑުވަޒީރު މޯދީ ވަޑައިގަތުން ކަމަށެވެ.
"އެއްވެސް ގައުމެއްގެ ވެރިޔަކު ހުވާކުރެއްވުމުގެ ރަސްމިއްޔާތަށް އިންޑިއާގެ ބޮޑުވަޒީރަކު މިހާތަނަށް ވަޑައިގެންފައެއްނުވޭ، އެހެންކަމުން މޯދީ ވަޑައިގެންނެވުމަކީ ތާރީޚީ ކަމެއް." ފޮރިން މިނިސްޓަރު ޝާހިދު ވިދާޅުވިއެވެ.
މިނިސްޓަރު ވިދާޅުވެފައި ވަނީ ގުޅުން ގޯސްވެފައިވާ އަވައްޓެރި ގައުމުތަކުގެ އިތުރުން ދުރުގައިވާ ގައުމުތަކާއެކުވެސް އަލުން ގުޅުން ގާއިމް ކުރުމަކީ އާ ސަރުކާރުގެ ޚާރިޖީ ސިޔާސަތު ކަމަށެވެ. މިނިސްޓަރު ވިދާޅުވީ ރާއްޖެއާ ގުޅިގެން މަސައްކަތް ކުރަން ބޭނުން ކޮންމެ ގައުމަކާއެކުވެސް ޚާރިޖީ ގުޅުން ބަދަހި ކުރުމަކީ މިސަރުކާރުގެ ސިޔާސަތެވެ.
Ahremena kah kamaku nudhey muslimun naa ehaa dhe kolhu meehaku geri ah vure ves muslimun nikamethi kamuga dhekey meehaku adhi meenaage chef minister. Kamug etha muslimun ne maraafa huri meehaku fakhuru veri vaan jehey kame noon nafrath ufedhe nee
ގަތް އެތި ބައިހޯދަންދޯ