ރާއްޖޭގެ ކުރީގެ ރައީސުލްޖުމްހޫރިއްޔާ އަދި އެމްޑީޕީގެ ރައީސް މުޙައްމަދު ނަޝީދު މިއަދު އައްޑޫ ސިޓީއަށް ވަޑައިގަންނަވާނެއެވެ.
މަޢުލޫމާތު ލިބިފައިވާ ގޮތުގައި އެމަނިކުފާނު އައްޑޫ ގަމަށް ވަޑައިގަންނަވަނީ މިއަދު 3:00 ގައެވެ. ރައީސް ނަޝީދަށް މަރުޙަބާ ދެންނެވުމަށް އެމްޑީޕީއާއި އެމަނިކުފާނުގެ ސަޕޯޓަރުން ތިބީ ތައްޔާރުގައި ކަމަށް އެމްޑީޕީ އައްޑޫ ދާއިރާގެ ނާއިބު ރައީސް އިބްރާހީމް ރަޝީދު ވިދާޅުވިއެވެ.
އިބްރާހީމް ރަޝީދު ވިދާޅުވީ ރައީސް ނަޝީދަށް މަރުޙަބާ ދެންނެވުމުގެ ތައްޔާރީތައް މިހާރުވަނީ ނިމިފައި ކަމަށެވެ. އެމަނިކުފާނު އައްޑުއަށް ވަޑައިގެން މިއަދު ހަވީރު ފޭދޫގައި ޚިތާބެއް ދެއްވާ ގޮތަށް ހަމަޖެހިފައިވާ ކަމަށް ވެސް އޭނާ ވިދާޅުވިއެވެ.
މިދަތުރުފުޅުގައި އެމްޑީޕީގެ ސަޕޯޓަރުންނާއި ބައްދަލު ކުރައްވާ ގޮތަށް ވެސް ވަނީ ހަމަޖެހިފައެވެ. މިދަތުރުފުޅަށްފަހު ރައީސް ނަޝީދު އެނބުރި މާލެ ވަޑައިގަންނަވާނީ މިމަހު 8 ގައެވެ.
