މިމަހުގެ 23 ވަނަ ދުވަހު އޮތް ރިޔާސީ އިންތިޚާބުގައި ލިބިވަޑައިގެން ބޮޑު ނާކާމިޔާބުގެ ސަބަބުން އެންމެ ބޮޑު ހިތާމަފުޅެއް ކުރައްވަން ޖެހިވަޑައިގެންފައި ވަނީ އަނބިކަނބަލުން ފާތިމަތު އިބްރާހިމް އާއި ދަރިން ކަމަށް ރައީސް އަބްދުﷲ ޔާމީން މިރޭ ވިދާޅުވެއްޖެއެވެ.
އިންތިޚާބުގެ ނާކާމިޔާބަށް ފަހު ޕީޕީއެމްގެ ކޮންގްރެސް ނިންމުމަށް މިރޭ ބޭއްވި ރަސްމިއްޔާތުގައި ވަރަށް ބޮޑު ހިތާމައެއްގައި ހުންނަވައި ވާހަކަފުޅު ދައްކަވަމުން ރައީސް ވިދާޅުވީ މިކަމުގެ ސަބަބުން "އަންހެނުންނާއި ދަރިންކޮޅު" ވަރަށް ބޮޑު ހިތާމައެއްގައި އުޅުއްވާ ކަމަށާއި ގެޔަށް ވަޑައިގެން އެމަނިކުފާނުވެސް ދައްކަވާނީ "ކޮންމޫނެއްތޯ" ސުވާލު އުފެއްދެވިއެވެ.
ރައީސް ވިދާޅުވީ މިއީ ވަރަށްގިނަ ބަޔަކަށް ހިތާމަ ކުރިމަތި ވެފައިވާ ދަނޑިވަޅެއް ކަމަށާއި ޚާއްސަކޮށް ވަޒީފާ ތަކުގައި ތިބި ޕީޕީއެމްގެ ވަރަށްގިނަ ބަޔެއްގެ ވަޒީފާ ގެއްލޭނެތީ އެކަމާމެދު ވަރަށް ގިނަމީހުން ހިތާމަ ކުރާނެ ކަމަށެވެ. ނަމަވެސް ސިޔާސީ މައިދާނުގައި ސަރުކާރު ބަދަލުވުމާއެކު އެއީ އެކަންވާނެ ގޮތް ކަމަށްވެސް ވިދާޅުވިއެވެ.
ރައީސް ވިދާޅުވީ މިއީ ހިތާމައިގެ ވަގުތެއް ނަމަވެސް މިއީ ހިތްވަރާއެކު އާ އަޒުމެއްގައި ޕީޕީއެމްގެ ސަޕޯޓަރުން ތެދުވަންވީ ވަގުތު ކަމަށެވެ. އަދި މިވަގުތު އެމަނިކުފާނަށް ލިބޭނެ އެންމެ ބޮޑު ހިތާމައަކީ ޕީޕީއެމްގެ މެމްބަރަކު ޕާޓީ ދޫކޮށް ދިޔުން ކަމަށާއި އެކަން ނުކުރައްވައި ހުރިހާ މެމްބަރުންވެސް ޕާޓީގައި އެމަނިކުފާނާއެކު ތިއްބެވުމަށް ސަޕޯޓަރުންނަށް އިލްތިމާސް ކުރެއްވިއެވެ.
ރައީސް ވިދާޅުވީ އިންތިޚާބެއްގައި އޮންނާނީ ދެގޮތް ކަމަށާއި އެއީ ކާމިޔާބާއި ނާކާމިޔާބު ކަމަށާއި މޮޅުވާނީ ކޮންމެވެސް އެއްބަޔަކު ކަމަށެވެ. ނަމަވެސް ނާކާމިޔާބުވި މީހުންވެސް ހިތްވަރާއެކު އަލުން ތެދުވަން ޖެހޭނެކަން ފާހަގަ ކުރައްވައި ރައީސް ވިދާޅުވީ ކުރިޔަށް އޮތްތަނުގައި އިދިކޮޅު ޕާޓީއެއްގެ ގޮތުން ޕީޕީއެމްގެ ސަޕޯޓަރުން މަގުމައްޗަށްވެސް ނުކުންނާނެ ކަމަށާއި މުޒާހަރާވެސް ކުރާނެ ކަމަށެވެ. އަދި ރަށްރަށަށް ގޮސް ހަރަކާތްތައްވެސް ހިންގާނެ ކަމަށެވެ.
Mujaahara kuranvaa gotha kureema ragalhuvaane ehnmeehunsves udhagoo nuvaane fadha gothaka kureema ragalhuvaane
އެހެންވީމާ ޔާމީން ތިވިދާޅުވަނީ ތިމަންނަގެ ވެރިކަމުގައި އެއްވެސް ބަޔަކު މުޒާހަރާ ނުކުރާށޭ، އެހެން ނަމަވެސް އެހެންމީހުންގެ ވެރިކަމުގައި ތިމަންނަމެންނަށް މުޒާހަރާ ކުރުވިޔަ ދޭށޭ ދޯ؟
Vafeezaage biru dhahkaigen kaley furihurihaa form eh ga thibimyhun badhalu vaane