މާދަމާ އޮންނަ ރިޔާސީ އިންތިޚާބުގެ ކެމްޕޭން މިއަދު ހަވީރު 6 ޖެހުމާއެކު ޕީޕީއެމް އާއި އިދިކޮޅު ކޯލިޝަނުން ނިންމާލައިފިއެވެ.
ދެކޮޅުންވެސް ފޯރިއާއެކު ކުރިޔަށް ގެންދިޔަ ކެމްޕޭންގެ ހަރަކާތްތައް 6 ޖެހުމާއެކު މުޅި ރާއްޖޭގައި ނިންމާލިއިރު ދެފަރާތުންވެސް ކެމްޕޭނުގެ އެންމެ ފަހު ހަރަކާތެއްގެ ގޮތުން ބޭއްވީ ޕެރޭޑެކެވެ. ހިނގާލުމާއި ސައިކަލް ޕެރޭޑަކުންނެވެ.
މާދަމާ އިންތިޚާބުގެ ވޯޓުލުން އޮންނާތީ މިއަދު ހަވީރު 6 ގެ ފަހުން ކެމްޕޭން ކުރުމަކީ ގާނޫނީ ގޮތުން މަނާ ކަމެކެވެ. ކެމްޕޭނު ހަރަކާތްތައް މިއަދު ހަވީރު 6 ޖަހަންދެން ރާއްޖޭގެ ހުރިހާ ރަށެއްގައިވެސް ވަނީ ކުރިޔަށް ގެންގޮސްފައެވެ.
