ޕާކިސްތާނުގެ ކުރީގެ ބޮޑުވަޒީރު ނަވާޒް ޝަރީފްގެ އަނބިކަނބަލުން ކުލްސޫމް ނަވާޒް އަވަހާރަވެއްޖެއެވެ. ކުލްސޫމް ނަވާޒު އަވަހަރަވީ ކެންސަރު ބައްޔަށް ފަރުވާ ހޯއްދަވަމުް ގެންދަވަނިކޮށް ލަންޑަންގައެވެ. ކުލްސޫމް ނަވާޒު އަވާހާރަވީއިރު ފިރިކަލުން ނަވާޒް ޝަރީފައި ދަރިކަނބަލުން މަރިޔަމް ނަވާޒް ގެންދަވަނީ ޖަލު ހުކުމެއް ތަންފީޒު ކުރައްވަމުންނެވެ.
ޕާކިސްތާން މުސްލިމް ލީގް-ނަވާޒްގެ ރައީސް ޝާހްބާޒް ޝަރީފާއި ކުލްސޫމް ނަވާޒްގެ ދަރިކަލުން ހުސައިން ނަވާޒް ވަނީ ކުލްސޫމް ނަވާޒް ދެމިއޮތުމުގެ އާލަމަށް ދަތުރުކުރެއްވިކަން ޕާކިސްތާނުގެ މީޑިއާއަސް ކަށަވަރު ކޮށްދީފައެވެ.
އުމުރުން ފުޅުން 68 އަހަރުގެ ކުލްސޫމް ނަވާޒް އަވަހާރަވީ މިދިޔަ އަހަރުގެ އޯގަސްޓް މަހުން ފެށިގެން ލިމްފޯމާ އަށް ފަރުވާ ހޯއްދަވަމުން ގެންދަވަނިކޮށެވެ. އެކަމަނާގެ ދަރިކަލުންނާ ހަވާލާދީ ޕާކިސްތާނުގެ މީޑިއާގައި ރިޕޯޓްކޮށްފައިވާ ގޮތުގައި އެކަމަނާ އަވަހާރަވީ ލަންޑަންގެ ކްލިނިކެއްގައެވެ.
ކުލްސޫމް ނަވާޒް އަކީ ޕާކިސްތާނުގެ ފަސްޓްލޭޑީގެ ގޮތުގައި 1990-1993، 1997-1999، އަދި 2013-2017 އަށް ޚިދުމަތް ކުރައްވާފައެވެ. އެކަމަނާވަނީ 1999 އިން 2002ވަނަ އަހަރާއި ހަމައަށް ޕާކިސްތާން މުސްލިމް ލީގް-ނަވާޒްގެ ރައީސްކަންވެސް ކުރައްވާފައެވެ
ކުލްސޫމް ނަވާޒްގެ ޖަނާޒާއަށް ފިރިކަލުން ނަވާޒް ޝަރީފް އާއި ދަރިކަނބަލުން މަރިޔަމް ނަވާޒް ޕެރޯލްގެ ދަށުން ދޫކުރާނެ ކަމަށް ޕާކިސްތާނުގެ މީޑިއާއިން ރިޕޯޓުކުރެއެވެ.
