'އަ ވެންޒްޑޭ އެންޑް ނިޝާންތް' ފަދަ ފިލްމުތަކުން ބެލުންތެރިންގެ ހިތް އަތުލާފައިވާ ތަޖްރިބާކާރު ތަރި ނަސީރުއްދީން ޝާހް ދެކޭ ގޮތުގައި މިހާރު ހިންދީ ފިިލްމް އިންޑަސްޓްރީ މުޅީން ބޭކާރު ވެއްޖެއެވެ. ފިލްމި އިންޑަސްޓްރީ އާ މެދު މި މޭރުމުން އޭނާ ވާހަކަ ދައްކާފައިވަނީ ބުރާސްފަތި ދުވަހު އޮތް އަދަބީ ފެސްޓިވަލް އެެއްގައެވެ.
އަދަބީ ފެސްޓިވަލް 'މައުންޓެއިން އިކޯސް' ގެ ފުރަތަމަ ދުވަހު ނަސީރުއްދީންވަނީ 'އެންޑް ދެން ވަން ޑޭ' ކިޔާ ސެޝަނެއްގައި ބައިވެރިވެފައެވެ. މި ސެޝަނަށް ނަން ކިޔާފައިވަނީ އޭނާގެ ފޮތް 'އެންޑް ދެން ވަން ޑޭ' ގެ ނަމުންނެވެ. ސޭޗަންގައި ވާހަކަދައްކަމުން ނަސީރުއްދީން ބުނީ މިހާރު އުފައްދާ ފިލްމުތަކުގެ މަތީން އޭނާ ފޫހިވެފައިވާ ކަމަށެވެ. އިންޑަަސްޓްރީގައި އޭނާ ހޭދަކުރި ދުވަސްތަކާއި މެދު ހިތް ހަމަ ޖެހޭ ކަމަށްވެސް ނަސީރުއްދީން ބުނެފައިވެއެވެ. މިހާރު އުމުރުން 68 އަހަރުވެވފައިވާ ތަރި ބުނި ގޮތުގައި 60 ދުވަހުގެ ޝޫޓިން ޝެޑިއުލް އަކަށް އޭނާގެ އެއްވެސް ޝައުގެއް ނެތެވެ. އޭނާ އަދިވެސް ބޭނުންވަނީ ތިއޭޓަރ ގައި މަސައްކަތް ކުރާށެވެ. ޝެކްސްޕެއަރގެ ވާހަކައަކަށް ތިއޭޓަރުގައި އެކްޓު ކުރެވުމުން އޭނާއަށް ބޮޑު ހިތްހަމަ ޖެހުމެއް ލިބެއެވެ.
ނަސީރުއްދީން ޝާހް އަކީ ނެޝެނަލް ސްކޫލް އޮފް ޑްރާމާ އިން ތަމްރީން ހޯދާފައިވާ ކުޅަދާނަ އެކްޓަރެކެެވެ. އޭނާ ދެކޭގޮތުގައޮ ބޮލީވުޑުން މިހާރު އުފެއްދުންތެރި މަސައްކަތެއް ނުފެނެއެވެ. އަދި ބޮލީވުޑްގެ ކުރިމަގެއްވެސް ނެތެވެ. އަދި ދުވަސްކޮޅަކުން ސިނަމާތައް ނެތި ނެޓްފްލިކްސް އާއި އެމެޒޯން ފަދަ ވެބް ޕްެލެޓްފޯމްތަކަށް އެއްކޮސް މީހުން ބަރޯސާވާނެއެވެ.
