އިންޑިޔާގެ އެކި ސަރަހައްދުތަކަށް ކުރިމަތިވި ވެލީގެ ތޫފާނުގެ ސަބަބުން އެތައް ބަޔަކު މަރުވުމުގެ ހިތާމައިގައި އިންޑިޔާގެ ބޮޑުވަޒީރު ނަރެންދްރަ މޯދީއަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ތައުޒިޔާ ވިދާޅުވެ މެސެޖެއް ފޮނުއްވައިފިއެވެ.
އެ މެސެޖުގައި ރައީސް ވިދާޅުވެފައިވަނީ އެ ހާދިސަގައި އެތައް ބަޔަކު މަރުވެ އެތައްބަޔަކަށް ގެއްލުން ލިބުނު ޚަބަރު އެއްސެވީ ކުއްލި ހައިރާންކަމާއި ފުން ހިތާމައާއެކު ކަމުގައި ކަމަށެވެ.
ޤައުމީ ހިތާމައިގެ މި ދަނޑިވަޅުގައި ދިވެހި ސަރުކާރު އޮތީ އިންޑިޔާއާ އެކުގައި ކަމުގައި ވެސް ވިދާޅުވެފައިވެއެވެ.
ރައީސް ވަނީ އިންޑިޔާގެ ބޮޑުވަޒީރަށާއި ރައްޔިތުންނަށާއ ޚާއްސަކޮށް އެ ތޫފާނުގައި އަސަރު ކުރި ފަރާތްތަކަށް ޙަމްދަރުދީ ފޮނުއްވާފައެވެ.
މީގެ އިތުރުން މިހާދިސާގައި މަރުވި މީހުންގެ އާއިލާތަކަށް ތައުޒިޔާ ރައްދު ކޮށްދެއްވުމަށާއި، ގެއްލުން ލިބުނު ފަރާތްތަކަށް އަވަސް ޝިފާއަކަށް ރައީސުލްޖުމްހޫރިއްޔާގެ މެސެޖުގައި އެދިވަޑައިގެންފައިވެއެވެ.
