މަރަދޫ އަތުން މަރަދޫފޭދޫއަށް މޮޅެއް

މިނިވަން ޗެމްޕިއަންޝިޕް ފުޓުބޯޅަ މުބާރާތުގެ ސ. އަތޮޅު ޓޯނަމެންޓުގައި އިއްޔެ ހަވީރު މަރަދޫއާއި މަރަދޫ ފޭދޫ ބައްދަލުކުރި މެޗު މަރަދޫފޭދޫ ކާމިޔާބުކޮށްފިއެވެ. އެޓީމުން މެޗު ކާމިޔާބުކުރީ 4-2 ލަނޑުންނެވެ.

އައްޑޫފުޓުބޯޅަ ސްޓޭޑިއަމުގައި އިއްޔެ ހަވީރު ކުޅުނު މެޗުގެ 6 ވަނަ މިނިޓުގައި ފުރަތަމަ ލަނޑު ޖަހައި ލީޑުނެގީ މަރަދޫ ފޭދޫ ޓީމުގެ ޖާޒީނަމްބަރު 7 ހުސައިން ޝާމިންނެވެ. ދެވަނަ ލަނޑު ޖަހައިދީފައިވަނީ މެޗުގެ 19 ވަނަ މިނިޓުގައި އެޓީމުގެ ޖާޒީ ނަމްބަރު 11 އަބްދުﷲ ޝިފާޒެވެ. ތިންވަނަ ލަނޑު ޖަހައިދިނީ ފުރަތަމަ ލަނޑުވެސް ޖަހައިދިން ޝާމިނެވެ. އޭނާ އެ ލަނޑުޖެހީ މެޗުގެ 61 ވަނަ މިނިޓުގައެވެ. އެޓީމުގެ 4 ވަނަ ލަނޑު މެޗުގެ 87 ވަނަ މިނިޓުގައި ޖަހައިދިނީ އެޓީމުގެ އަހުމަދު ހާމީއެވެ.

މަރަދޫގެ 2 ލަނޑުގެ ތެރެއިން ފުރަތަމަ ލަނޑު ޖަހައިދީފައިވަނީ އެޓީމުގެ ޖާޒީނަންބަރު 19 ނިއުޝާން ހަބީބެވެ. އޭނާ މިލަނޑު ޖަހައިފައިވަނީ މެޗުގެ 67 ވަނަ މިނިޓުގައެވެ. އެޓީމުގެ ދެވަނަ ލަނޑު ޖަހައިފީފައިވަނީ ޖާޒީ ނަމްބަރ 7 ހުސައިން އައިކެވެ. އޭނާ މި ލަނޑު ކާމިޔާބުކޮށްފައިވަނީ މެޗުގެ 86 ވަނަ މިނިޓުގައެވެ.

ޟަމްރަތު އަޙްމަދު
ޟަމްރަތު އަޙްމަދަކީ ނޫސްވެރިކަމުގެ ދާއިރާގައި ގިނަ ތަޖުރިބާތަކެއް ހޯއްދަވައިފައިވާ ތަޖުރިބާކާރު ނޫސްވެރިއެކެވެ. އާފަތިހުގައި އެކި ފެންވަރުގައި ވަޒީފާ އަދާކުރެއްވި ހީވާގި ލިޔުންތެރިއެކެވެ.

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.