ބަޑި ގެންގުޅުމާ ދެކޮޅަަށް އަޑު އުފުލުމަށް ބޭއްވި ރެލީއެއްގައި ހޮލީވުޑް ގެ ތަރި ޖޯޖް ކްލޫނީ އާއި އޭނާގެ އަންހެނުން މަޝްހޫރު ހިއުމަން ރައިޓްސް ލޯޔަރ އަމާލް ކްލޫނީ ބައިވެރި ވެއްޖެއެވެ.
އެމރިކާގެ ސްކޫލެއްގައި ދާދި ފަހުން ދިން ބަޑީގެ ހަމަލާއެއްގައި ގިނަ ދަރިވަރުންތަކެއް ވަނީ މަރުވެފައެވެ. އިއްޔެގެ ރެލީ އަކީ އެހާދިސާ އާއި ގުޅިގެން ދަރިވަރުންތަކެއް އިސްނަގައިގެން އިންތިޒާމް ކުރި ރެލީ އެކެވެ. ރެލީގައި އެތައްހާސް ދަރިވަރުންނާއި މުދައްރިސުންނާއި ބެލެނިވެރީން އަދި އާއްމުން ބައިވެރި ވިއެވެ.
ވޮޝިންޓަން ޑީސީގައި އިއްޔެ ބޭއްވި ހިނގާލުމުގައި ޖޯޖް އާއި އަމާލް ގެ އިތުރުން ގިނަ ސެލެބްރިޓީން ތަކެއް ބައިވެރިވިއެވެ. އޭގެ ތެރޭގަެި މިލޭ ސައިރަސް އާއި ސްޓިވަން ސްޕީލްބަރގް އާއި މަޝްހޫރު ކޮމޭޑީއަން އެއްކަމަށް ޖިމީ ފެލަން އާއި ކިމް ކަަރްޑާޝިއަން އާއި ކާންޔޭ ވެސްޓް އާއި ޓޭލަރ ސްވިފްޓް ވެސް ހިމެނެއެވެ.
މީޑިއާ ރިޕޯތްތައް ބުނާ ގޮތުން އެމރިކާގެ ގިނަ ސްޓޭޓްތަކެއްގައި ބަޑި ގެންގުޅުމާ ދެކޮޅަށް އަޑުއުފުލާފައިވެއެވެ. އިއްޔެގެ ރެލީ އިންތިޒާމު ކުރަން ޖޯޖް އާއި އަމަލް ވައނީ އެމީހުންގެ ދެ ދަރީންގެ ނަމުގައި މި ދިޔަ ފެބްރުއަރީ މަހު 500،000 ޑޮލަރު ހަދިޔާ ކޮށްފައެވެ.
