ރާއްޖޭގެ ދެކުނުގެ ގިނަ ރަށްތަކަށް އުދަ އަރަން ފަށައިފިއެވެ.
އެގޮތުން އައްޑޫ ސިޓީ އާއި ގދ މަޑަވެލި، ފިޔޯރީ އަދި ފަރެސްމާތޮޑާއަށް ވަރަށް ބޮޑަށް އުދަ އަރަމުންދާ ކަމަށް އެރަށްރަށުން މައުލޫމާތުދޭއިރު، ސޯޝަލް މީޑިއާގައި ދައުރުވަމުންދާ ފޮޓޯތަކާއި ވީޑިއޯތަކުން ފެނެއެވެ. އަދި ހައްދުންމަތީގެ ގިނަ ރަށްތަކަށް ވެސް ވަނީ އުދައަރާފައެވެ.
ގދ މަޑަވެލީގެ އެރަށާއި ހޯނޑެއްދޫ ގުޅުވާފައި އޮންނަ ކޯޒްވޭ ސަރަހައްދުން އުދައަރާއިރު، އުދައިގެ އަސަރު އެރަށުގެ ހައުސިންގ ޔުނިޓްތަކާ ހަމައަށް ފޯރާފައިވާ ކަމަށްވެސް މައުލޫމާތު ލިބެއެވެ. އަދި މަޑަވެލި ހޯނޑެއްދޫ ކޯޒްވޭ ގުޅުވާލާފައި އޮންނަ ބޮޑު މަގަށް ވަރަށް ބޮޑަށް އުދަ އަރަމުންދާ ކަމަށް މައުލޫމާތު ލިބިފައިވެއެވެ.
އޭގެ އިތުރުން ގދ ފިޔޯރީއަށްވެސް އުދަ އަރަމުންދާ ކަމުގެ މައުލޫމާތު ލިބިފައިވެއެވެ. އެގޮތުން ފަރެސްމާތޮޑާގައި އެކި ސަރަހައްދުތަކުން އުދަ އަރަމުންދާ ކަމުގެ މައުލޫމާތު ލިބިފައިވެއެވެ.
