ރައީސުލްޖުމްހޫރިއްޔާގެ އަނބިކަނބަލުން ފާތުމަތު އިބްރާހީމްދީދީ އައްޑޫ ސިޓީ ފޭދޫ ރައްޔިތުންނާ ބައްދަލު ކުރައްވައިފިއެވެ. ހޯމަވިލޭރޭ އެކަމަނާ ބައްދަލު ކުރެއްވީ ފޭދޫގެ އިސްރައްވެހިންނާެވެ. މިއަދު ހޯމަ ދުވަހު ބައްދަލު ކުރެއްވީ ފޭދޫގައި ތިބި ޚާއްސަ އެހީއަށް ބޭނުންވާ މީސްމީހުނާއެވެ.
މި ބައްދަލު ކުރެއްވުންތަކުގައި އެކަމަނާ ވަނީ ފޭދޫ ރައްޔިތުންގެ ބޭނުންތަކާއި، ޚިޔާލުތައް އަޑުއައްސަވައިފައެވެ. ފޭދޫ ރައްޔިތުން ވަނީ އެީހުން ކަންބޮޑުވާ ބައެއް ކަންކަމުގެ މައުލޫމާތު އެކަމަނާއަށް އަރުވައިފައެވެ. އޭގެ ތެރޭގައި ފޭދޫގައި ހުރި ސަރުކާރުގެ މުއައްސަސާތަކުގައި ފޭދޫ މީހުންނަށް ހުރި ވަޒީފާގެ ފުރުސަތުތަކުގެ ވާހަކައާއި، ބައެއް ކަންތައްތައް އެކަށިގެންވާ ގޮތަކަށް ކުރިއަށް ނުދާކަމުގެ ވާހަކައާއި، ކަރަންޓާއި ފެނުގެ އަގު ބޮޑު ވާހަކައާއި، އައްޑޫގައި ހުރި ފްލައިން ސްކޫލް ބަންދު ކުރާ ވާހަކަ އިވޭތީ އެކަމުގެ ކަންބޮޑުވުމުގެ ވާހަކަ ރައްޔިތުން ވަނީ ދަންނަވައިފައެވެ.
ރައީސުލްޖުމްހޫރިއްޔާގެ އަނބިކަނަބަލުން ވަނީ ރައްޔިތުންގެ ކަންބޮޑުވުންތަކުގެ ވާހަކަ ސަރުކާރުގެ ކަމާބެހޭ ދާއިރާތަކަށާއި، ސީދާ ރައީސްގެ އަރިހަށް ހުށަހަޅުއްވައިގެން ހައްލުތަކެއް ހޯއްދަވައި ދެއްވާނޭ ކަމުގެ ޔަގީންކަން ދެއްވައިފައެވެ.
އެކަމަނާ އައްޑޫ ސިޓީއަށް ކުރައްވާ ދަތުރުފުޅު ނިންމަވައިލައްވާފައި ފުރާވަޑައިގަންނަވާނީ މިއަދުގެ ހަވީރު ވަގުތެއްގައެވެ.
