ރާއްޖޭގައި ކޮވިޑް-19އިން ރައްކާތެރިވުމުގެ ވެކްސިން ދޭންފެށިތާ 2 ދުވަހުގެ ތެރޭގައި ޖުމްލަ 880 މީހުންނަށް ކޯވިޑް-19ގެ ވެކްސިން ދީފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވިދާޅުވެއްޖެއެވެ.
އެޗްޕީއޭއިން ވިދާޅުވިގޮތުގައި ރާއްޖޭގައި ކޮވިޑް ވެކްސިން ޖެހި ފުރަތަމަ ދުވަހު ވަނީ 282 މީހުންނަށް ވެކްސިން ދީފައެވެ. ދެވަނަ ދުވަހު ވަނީ ޖުމްލަ 554 މީހުންނަށް ވެކްސިން ދީފައެވެ. މާލެ ސަރަހައްދުން މިހާތަނަށް ވެކްސިން ދީފައިވާ މީހުންގެ ޖުމްލަ ޢަދަދަކީ 666 އެވެ.
މާލޭގެ އިތުރުން އައްޑުއާއި ކުޅުދުއްފުށީގައިވެސް ވެކްސިން ޕްރޮގްރާމް ކުރިއަށްދެއެވެ. އަދި މާދަމައިން ފެށިގެން ރާއްޖޭގެ ހުރިހައި ހޮސްޕިޓަލެއްގައި ވެކްސިން ދިނުމަށްވަނީ ހަމަޖެހިފައެވެ.
