ހއ. އިހަވަންދޫ ދެ ގެއެއް ފުލުހުން ބަލައިފާސްކޮށް ސިހުރުހާހޫރަ ހެދުމަށް ބޭނުންކުރާ ޒާތުގެ ތަކެތި ހޯދައި އެތަކެތި ފުލުހުންގެ ބެލުމުގެ ދަށަށް ގެނެސްފިއެވެ.
މިތަކެތި ހޯދާފައިވަނީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހއ. އިހަވަންދޫ ޕޮލިސް ސްޓޭޝަނުން މިދިޔަ އާދީއްތަ ދުވަހާއި އިއްޔެ ހިންގި އޮޕަރޭޝަނެއްގައި ކޯޓު އަމުރެއްގެ ދަށުން ދެ ގެއެއް ބަލައިފާސްކޮށްގެންނެވެ. ފުލުހުން ބުނީ
އެ ދެގެ ބަލައިފާސްކުރިއިރު އޭގެތެރެއިން އެއް ގެއަކުން ސިހުރުހާހޫރަ ހެދުމަށް ބޭނުންކުރާ ޒާތުގެ ތަކެތި ލިޔެފައިހުރި 32 ފޮތެއްގެ އިތުރުން ސިހުރުހާހޫރަ ކަމަށް ބެލެވޭ އެއްޗެއް ލިޔެފައިވާ ކަރުދާސްތަކެއް ފެނިފައިވާ ކަމަށެވެ.
ފުލުހުން ބުނީ ދިއްދޫ ދެގެއަކުން ސިހުރު ހަދަން ބޭނުންކުރާ ސާމާނުތަކެއް ފެނި އެތަކެތި ފުލުހުންގެ ބެލުމުގެ ދަށަށް ގެންދިޔަ ނަމަވެސް އެ މައްސަލައާއި ގުޅިގެން އެއްވެސް މީހަކު އަދި މިހާތަނަށް ބަންދު ކޮށްފައިނުވާ ކަމަށެވެ.
