މިނިސްޓްރީ އޮފް ހައުސިންގ އެންޑް އަރބަން ޑިވެލޮޕްމަންޓް އުވާލައްވައިފިއެވެ. ރައީސް އޮފީހުން ހާމަކުރެއްވި ގޮތުގައި ރައީސުލްޖުމުހޫރއިްޔާ ވަނީ މިއަދު އެ މިނިސްޓްެރީ އުވާލައްވައި، މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ ގެ ނަން މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ނަމަށް ބަދަލުކުރައްވައިފިއެވެ.
މިގޮތަށް ހަމަޖެއްސެވުމާ ގުޅިގެން ކުރިން މިނިސްޓްރީ އޮފް ހައުސިންގ އެންޑް އަރބަން ޑިވެލޮޕްމަންޓުން ކުރައްވަމުން ގެންދެވި އެންމެހައި މަސައްކަތްތައް ދެން ކުރައްވަމުން ގެންދަވާނީ، މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން ކަމަށް ރައީސް އޮފީހުން މައުލޫމާތު ދެއްވައެވެ. އަދި އެ މަސައްކަތްތައް ކުރެއްވުމަށްޓަކައި މިނިސްޓްރީ އޮފް ހައުސިންގ އެންޑް އަރބަން ޑިވެލޮޕްމަންޓްގައި ތިބި މުވައްޒަފުން އެ މިނިސްޓްރީއަށް ބަދަލުކުރެއްވުމަށް ނިންމަވާފައިވާ ކަމަށް ވެސް ރައީސުލްޖުމުހޫރިއްޔާގެ އޮފީހުން ހާމަކުރައްވައެވެ.
މި ބަދަލު ގެންނަވާފައި މިވަނީ ހައުސިން މިނިސްޓަރގެ މަގާމުގައި ހުންނެވި، އާމިނަތު އާތިފާ މަގާމުން އިސްތިއުފާ ދެއްވާފައިވަނިކޮށެވެ. އާތިފާ މަގާމުން އިސްތިޢުފާ ދެއްވީ އެކަމަނާގެ ޞިއްޙީ ހާލުކޮޅު ހުރި ގޮތުން އެމަގާމުގެ ވާޖިބު އަދާކުރެއްވުމަށް ޢުޒުރުވެވަޑައިގަންނަވާތީ ކަމަށް ރައީސް އޮފީހުން ހާމަކުރައްވައެވެ.
އާމިނަތު އާތިފާ އަކީ ކޯލިޝަންގައި ހިމެނޭ އެމް.އާރް.އެމް އަށް ނިސްބަތްވވަޑައިގަންނަވާ ވަޒީރެކެވެ. ޕްލޭނިން މިނިސްޓަރ، އަސްލަމަކީ އެމްޑީޕީއަށް ނިސްބަތްވެ ވަޑައިގަންނަވާ ވަޒީރެކެވެ.
